再一次愛上沒有放下的舊情人: 五十九

呀Wing聽到我如此一說，當然笑唔出

「其實我知道你鐘意我，對我有意思，但經歷咁多野，我知道自己需要既係咩

如果你問以前既我，或者我真係會賤格到同一時間鐘意兩個人

但依一刻，我真係唔忍心再傷害佢

你就當我係一個衰人啦，我想講清楚，係唔想我地之間再咁樣拖落去





俗語都有話，長痛不如短痛，今日我比你係我屋企過夜，係我唔想你一個女仔番去危險」

無聽完之後只係笑笑口，然後說：「知道架啦，我終有一日會放低你架」

「你唔嬲我咩？」

「唔會啦，你咁錫Karen，我反而覺得你係一個好人

如果你又鐘意我又鐘意佢，我會睇你唔起，再加上，我同佢情如姐妹，我都唔想佢受傷」





「咁好啦，你都累架啦，休息下啦」我同呀Wing講

佢入左去之後，我先記得應承左Karen番到去話佢知

「我番左去啦」我Whatsapp Karen說

「咁耐既」

「因為太夜，我廢事呀Wing一個人咁夜番去啦，所以咪叫佢係我到訓」





「你好野呀你，帶第二個女人上你屋企」Karen說

「唔好嬲啦傻瓜，我又唔會對佢做啲咩，再唔係你過黎睇實我囉」

「哼，我先唔理你呀，我要訓啦，聽朝上你到煮野你食啦」

「咁我等你架啦，你都唔好再覆我啦，你一陣掛住whatsapp唔訓架啦」我說

「知道啦，你都早啲訓啦，gd nite my love」

去到依到，我估佢都訓，我亦都無覆佢

我唔知道我對於呀Wing所做既野係咪正確，但我只係肯定，我做既野對得住自己良心

人，還是要成長，要進步，以前既缺點總得要改的