超靈視雜誌社: 四章－真性異言靈（１）

凌晨十二點的馬路依舊繁忙。唯一慶幸的是似乎市內已經恢復供電，街燈交通燈也回復正常，路上緊張的氣氛亦慢慢緩和下來。雖然到處都可以見到地震遺留的痕跡，但破壞程度比我想像中的少得多。
 
女王首先把 Candy 載往將軍澳的醫院，然後跑車沿清水灣道駛入西貢，在一個私人洋房的鐵閘前停下來。
 
一位保安上前跟杜霜虹女王打招呼，同時鐵閘門亦緩緩打開。
 
「呢度係霜姐妳屋企？」
 
「唔，應該話別墅會比較合適。」
 




原來女王就是每個故事都會出現的富家千金，而這裡就是她的玫瑰行宮。其實我一直以為像女王那種不動明王的氣勢，應該是住在寺廟讓人供奉的。
 
我和紡瑩跟隨女王走到別墅的地下室，那是一個十分寬敞而且帶有尖端科技氣息的地方。開門第一眼看見的就是有一個超過１００吋的投影銀幕，附近放著幾部電腦和電腦屏幕。唯一格格不入的就是電腦旁邊那一部已經過時的錄影機。
 
「其實啱啱地震完，我地仲落黎地下室會唔會有危險？」我問女王。
 
「地震？」女王說：「你都可以咁諗既。但係頭先既地震唔係天災，唔關地殼活動事，所以唔需要擔心會有餘震。」
 
「唔係天災，咁唔通係人為？」
 




「呵呵，呢個世界有好多野都超乎你既想像。」
 
「……例如，究竟霜姐妳係咩人？」
 
女王沒有回答，只是望向紡瑩問：「妳知唔知我係咩人呢？妳都跟蹤左我幾日。」
 
咦？紡瑩這幾天一直沒有出現，原來她在跟蹤女王嗎？
 
「因為最近既事感覺都同霜姐姐有關係，好似 Candy 都係因為霜姐姐既建議先至黎搵我地。」紡瑩回答說。
 




「比起大姐姐我係咩人，其實翔係咩人先至係重點呢。」女王拿起了一盤錄影帶，上面寫著《靛藍兒童檔案＃樂介翔》。
 
女王續說：「如果翔可以睇返十二年前既自己，我諗你就可以搵返細個嗰段消失左既記憶。雖然我認為係太危險，唔鼓勵咁做。」
 
紡瑩恍然大悟，說：「所以雜誌社既錄影機俾霜姐姐妳收埋左係呢間房度？」
 
「嗯。你地有冇聽過一個都市傳說，警告人唔好嘗試係夢入面照鏡？你地知唔知點解？」女王說：「因為佢地相信，一個人發夢未必係發緊自己既夢。所以如果你係夢境入面照鏡，你可能會發現鏡入面既人唔係自己。於是會對自己既認知崩潰，失去理智。」
 
我問女王：「咁同我有咩關係呢？」
 
「其實翔你應該都開始感覺到，係你入面有另一個陌生既記憶？原本我係想你可以慢慢記起，不過時間已經剩返唔多，所以唯有俾你睇一下以前既自己。」女王把手上的錄影帶放進了錄影機，「翔你要記住，無論係鏡入面見到既係邊個，樂介翔始終都係樂介翔。」
 
我屏息靜氣看著投影銀幕，這是十二年前的電視節目《靛藍兒童檔案》，而該集的主角正是九歲的我，樂介翔──這個等身大的小樂介翔就像真人一樣出現在我的眼前。
 
該集的主題是「輪迴轉世」，他們相信小樂介翔帶有前世的記憶，於是邀請了催眠師即場測試小樂介翔。




 
畫面中，那是很經典的催眠手法。催眠師把銀色吊墜放在小樂介翔眼前，慢慢地、重複地搖曳。過了一分鐘，小樂介翔就已經進入了催眠狀態。
 
催眠師嘗試把小樂介翔的記憶帶回四歲、兩歲、甚至是剛出生的時候。接著就是超越現世，詢問關於小樂介翔前世的事。
 
這個時候，小樂介翔的面容突然變成了另外一個人的臉孔。或許只是很微小的變化，但我本人是知道眼前的小樂介翔已經不是同一個人。就像靈魂附體一樣，那個小孩的聲線變得成熟，一直在說著其他人無法理解的語言。
 
節目裡的現場觀眾看見小孩豹變成為另一個人一般，紛紛報以驚訝的呼聲，而節目亦至此結束。
 
女王停止了電視畫面，說：「係錄影之後，細個時候既翔就暈左，要送入醫院住左好幾個星期。到出院既時候翔就已經變成另一個人咁。明明只有九歲，但所有言行舉止都唔似一個細路。呢個亦都係你父母遠離你既原因。」
 
我的頭很痛，正確來說應該是腦袋好像有無數的幼蟲在游走一樣。我嘗試用手把它們抓出來，但當然這只是我的錯覺。
 
不過我明白了，在我的記憶裡還存在著另一個記憶。
 




那麼，誰才是我呢？
 
「阿翔就係阿翔呀。」紡瑩拖著我的手說。
 
「冇錯，」女王說：「輪迴轉世全部都只係一種假說，冇科學根據，你可以唔信。不過對於我地黎講，當時你所講既說話先至係最重要。」
 
「當時既說話，妳指係我接受催眠之後，一直講嗰啲完全聽唔明既話？」
 
「嗯。我諗絕大部分人都唔會知道當時你講緊咩，但事實上你講緊既係一種確實存在過既語言──Kemi Sami，凱米薩米語。」
 
「冇可能，我根本冇聽過呢種語言，點會識講呢？」
 
「Xenoglossy，陌生語言能力。」女王說：「你有冇聽過，有人係發生意外之後突然識得講原本冇學過既語言？呢種就叫做異性真言，Xenoglossy。你信唔信都好，但呢個科學解釋唔到既現象係全世界都有好多例子。」
 
我不能反駁，但這些東西又意味著什麼？




 
女王解釋：「凱米薩米語係北歐薩米族人其中一種薩米語既方言。不過隨住薩米族融入北歐生活，族人開始學習俄語、芬蘭語、瑞典語，好多薩米語既方言已經冇人再用。而凱米薩米語就係其中一種已經消失左既薩米方言。」
 
但一百年之後，本來已經消失的凱米薩米語重現人間，而唯一一個能夠說這種方言的人就是我──這就是女王希望我知道的「真相」。
 
「但係而家我唔識講凱米薩米語。」我說。
 
「敵人係唔會容許你咁做，凱米薩米語係打開地獄之門既鑰匙。既然佢地知道左你既存在，就一定唔會放過你。」
 
「敵人？咩敵人？」
 
女王望一下手錶，說：「雖然我想翔你盡快醒覺，喚醒你凱米薩米語既能力。但係而家已經好夜喇。你尋晚為左陪 Candy 已經有兩日冇瞓過。你而家都係休息一下先啦。」
 
「等陣啊！」
 




「大姐姐我都要瞓覺，太夜瞓對皮膚唔好。」
 
女王沒有再回應我，獨自離開了房間。接著有一位傭人入來，示意可以帶我們到客房休息。
 
「阿翔，霜姐姐都講得啱。你而家應該好累，都係休息先啦。」
 
事到如今，我也沒有其他選擇，只好帶著疑問入睡。