注定一生只能愛兩個女人: 16

“又約左女呀？？？“ 虫仔問我。 “我話唔係你都唔信架la。。。。。“我無奈道。 “考緊試都去街？睇黎你都真係幾豁出去。“三角形奸道。 “挑，你咪又係，係度扮真毒。。。。“我說。 雖然我一直好小交代三角形既事，不過佢係form2已經好努力溝緊一個女仔，而家終於修成正果。 “我邊及你咁豁出去丫。。。訓導都屌，好彩淫譚幫你咋。。。“三角形繼續道。 “你地慢慢打機la，我走先la。。。“我說完走出大家樂，班毒撚應該去網吧。 行到去輕鐵站，等左一陣就見到阿怡，雖然之後都同過佢出街，不過第一次以咁既身份所以有d唔自在。等車果時見到兩個老師，我大方地俾佢地望，佢地又冇秋後算帳。 我地都係做埋睇戲呢d例牌野。簡左套電魔睇，成場戲都冇認真睇，淨係知女主角死左。我一路好猶疑幾時拖佢隻手好呢？不過等下等下已經差唔多到片尾，於是唔理咁多就拖左佢隻手。 之後又四周圍行下蕩下，因為真係冇乜野可以做，又睇下衫褲，跟住就差唔多要番屋企，因為佢要溫書。。。 幾好丫，輕輕鬆鬆又過去。“唔撚係呀嘛，你睇戲都AA？？！“豪哥怒屌我。 我心諗:個個洗錢好似你當洗手咁咩。。。 “下。。。而家個社會唔係話男女平等架咩？“我自知不是道。 嘶。。。全部人都抖左啖大氣，個個都想打鑊我。 最後我講左句野就係咁我俾佢地打到遍體鱗傷。 我話“其實拖左手都唔叫拍拖架可？？“ 。。。。。我講出黎自知欠缺說服力，但我好想聽到係呢個答案，因為我唔希望去得太快。 “算la 算la，我地繼續打波la。“虫仔及時幫我打完場，雖然我個心仲記掛住另一件事，不過為免掃佢地興，我都係繼續打波la。。。。

  -{我冇經驗架，就住我呀}