注定一生只能愛兩個女人: 15

呤呤。。。鐘聲響起歸家的訊號～
“薛靈風！你同我留底！“英文老師喝住我。 Shit，我要阿怡say sorry呀！
“你得一得我。“我焦急道。
“唔得！“老師好決絕咁講。
眼見阿怡已經走左出課室，我已經唔理咁多，諗都唔諗就衝左出，只留下一句“唔好阻住我溝女呀八婆！“
我見到阿怡既身影已經遠去，我大叫“阿怡！！！！“阿怡越行越快，我用我最快既速度過去，一手捉住呵阿怡隻手，“對唔住呀，唔好走la，嗄嗄。。。。“阿怡别過面，我一路抖大氣一路勉強咁講，“我。。我。。我。。我。。。““你講唔講架，你唔講我走架la“死la！阿怡從來都冇試過咁惡同咁嬲架，點收科呀。。。一急就亂la，我又亂講野，咩都講曬出黎“你唔好嬲la，我係因為中意你先至咁對你咋，我又唔知你係米真係中意我，又唔知你係米中意黃子華，我好驚對你唔夠好先對你忽冷忽熱咋，你原諒我la。。。。“
阿怡頷首，爭脱我捉住既手，我個心冷左一半，阿怡開始抽泣，“你好傻呀，傻仔。“阿怡抬高頭，眼睛紅腫卻露出笑容，“我一早就中意你la，你好遲鈍呀！“然後抱住我。
我開頭仲未反應到，由於心情既落差太大，我係度傻笑，我緊係攬住阿怡la，正當我想進一步行動果時，四周圍已經圍住好人，有d仲係度叫“嘴佢！嘴佢！嘴佢！嘴佢。。。。。！！！！“（好鬼老土）
見到咁樣我地有d尷尬，隻手鬆開左，我心諗:啱啱一齊要俾番d安全感人同主動d，於是我一手抱起左阿怡係度轉（其實好難，好彩我做開運動）。
由於太多人圍埋一齊，老師都發現左，訓導黎到話“你地做乜野！“ 我已經豁左出去，好臭寸講左句“關你撚（囗形）事咩“個訓導完全冇預計我咁講，當佢回過神果時我已經拖住阿怡走左。 我地旁若無人咁拖住走，身邊好似響起一首歌。。。




沿途幾多障礙 埋頭撞向未來 閉上呼吸跟你墮進深海 若最終安全離開 容許我再不按捺 高呼喊別人懷疑的愛 旁人怎麼對待 仍然撞向未來 決意今生跟你被愛淹蓋 若世界不容人 不失氣概 若歲月不留人 佔有現在 在炮火中接吻 天要裂開 怎樣過 我們都不踐踏愛危難處處 絕不可羞辱愛

  -{那怕是世界末日，我現在只要和你在一起}