注定一生只能愛兩個女人: 17

“wow！咁撚勁既阿風，食左春藥呀！“ 成班臭小子笑鳩我。 “你老母就食左春藥，我不嬲咁勁既。“我不憤道。 事源係因為我今次考試phy第一，淫譚不嬲有俾書我睇、不過最主要係因為阿怡同我温書同埋令我積極左，一洗以前既頹風。班衰仔知道左又調侃我。 唔知係咪因為阿怡，所有事都開始變得順利、生活變得豐富。考試成績好左，多左去打波，球技當然好左，雖然我而家知阿怡中意我，不過我仲有d介意輸左俾黄子華，可能呢個係另一個原因令我積極左。就連個超能力都勁左，由於當日係我模糊之際破解左超能力既實際運作，我醒覺到自己同黃子華打波果時係預測到佢既行動，而觸發能力既條件係進入無意識狀態，正正係我完全投入場鬥波，渾然忘我既狀態，所以我發夢先會預視到未經，因為個時既會失去顯意識既壓制，潛意識將現實一路接收既資訊推算，推算出一個可能存在既未來。咁樣更加能夠解釋我唔係d咩超能力人，因為夢本來就有咁既用途，當我地祖先仲未主宰地球，每日都受其他猛獸攻擊，因此夢起左好大作用，夢大概分為逃跑、被攻擊、下跌幾類型，呢一d都係現實可能發生既危險，當預到危險果時能夠正確應對，大大增加生存機會，一切一切都係遺傳祖先係當時爭扎求存既方法。 因此我既能力既前身就係夢。此外，我仲因為咁有bonus skill。正常人既顯意識無法同時做兩樣野，讀者可以試下: 先捉住一枝筆 腦諗住:我要放枝筆。。。。 根住試下放（記住keep住諗） 你會發現係放唔到 道理同左手畫圓右手畫正方形差唔多。 不過透過重複訓練，可能刻入潛意識既下意識，好似寫左個program咁，大部分運動員都係咁訓練，守門員不斷接球，比賽果時自然做出反應，揸筷子食飯可以一手揸碗一扒飯。因此出現人冇用大腦90%既說法，正確係人無法係使用10%果時同時使用其他90%。 我唔同在我唔洗經過反複訓練，我好輕易引出潛意識去使用。我可以一路聽歌一路唱歌一路做數。可能係因為我潛意識平時已經不斷接收同推算資訊，所以要引發會容易好多。 不過咁唔代表我可以隨時隨地預視未來，因為觸發條件係無意識，一刻意就進入唔到無意識，多數發牛逗或者用alpha調息法-不斷數123alpha， 催眠既一種（其實催眠都係引出人既潛意識再下指令）先做到。

  -｛一滴兩滴三滴，就係咁 你俾我催眠左繼續睇個故｝