呢個世界真係有魔鬼: 第九章 漆黑之役

「唔經唔覺就到左最後一晚，做埋聽日嘅訓練，我地就進入實習期，可以同啲魔鬼打過。」Martin用雙手墊着頭，看着天花板，似有所思般對我說。 

「係呀。依十個月真係過得好快，眨下眼就過左咁。」我回應他。看着手臂的「老鼠仔」，這十個月我做得最多的就是掌上壓，「睇嚟我大隻左。」我暗笑道。 

「訓先啦，goodnight.」Martin閉上眼輕聲道。 

我望向天花板，看着看着，那張臉孔再次出現，但還是那般模糊。他好像在對我笑，令我心中發寒。 

突然一聲刺耳的聲音響起，一把女聲從喇叭發出:「警告!警告!有入侵者!請各學員到叢林房間暫避。」 





「發生咩事?」我問剛醒來的Martin。 

「方sir講過魔鬼會散發魔氣，而呢個訓練中心有個部魔氣偵測機，一發現就會響。」Martin緊張地答道。 

「你嘅意思係....有魔鬼嚟左?」我沒有等他回答，已打開門向着叢林房間奔去。 

Martin緊追我後，我們到達後發現其他人已經到齊。 

「知唔知咩事?係咪真係有魔鬼?」阿彩誠惶誠恐的問我們。 





「好似係，除非唔係。」我答了一個簡潔的答案。 

「呯」的一聲從我身後傳出，吸引我們望向聲音發出的地方，卻發現原來是一個男人入來後把門大力關上。 

「個男人....隻右眼...發紅光架...」一個頗高大的學員說。 

「嘻嘻...」那男人對着我們笑並壓低聲線說了一個英文字。 

「Darkness...」





語音剛落，我便眼前一黑，原本光亮的房間變得黑暗，連那男人魔瞳發出的紅光也消失了。 

「發生咩事啊....好黑啊...我咩野都睇唔到。」原來不只我看不到，其他人也出現了這個問題。 

現場一點光也沒有，只剩下大自然的氣息和不安的求救聲。 

我拿出手提電話，按下解鎖鍵，但我還是看不到手機畫面。我嘗試解鎖手機，經過多番努力，終於成功，我聽到那下清脆解鎖聲，意味着我的手機還能正常運行，只是我看不到... 

「啊!」站在我前方的Martin突然發出痛苦的一聲，接着是倒地的聲音。 

「弊，唔通佢想逐一擊破?Martin之後我就係最近佢果個!」我十分驚慌，下意識退後了一步，卻一腳踏空，差點便失去平衡。「做咩依度凹在落去嘅。」我一邊想一邊用腳調查。 

「唔通係我之前爬行用腳尖拖出嚟果兩條痕?」我立即趴下用手再確認，果然沒有猜錯。我跟着這兩條軌道快速爬向牆邊，希望能推遲受襲的時間，以想出對應方法。 

我依傍着牆邊，聽到越來越多的倒地聲。 





我的心開始急，但怎麽想也想不到怎麼辦。 

「我一定要冷靜，一定無事嘅。」我安撫着自己，「睇唔到野啫，一樣咁打，我要用心眼，用聽覺留意身邊動靜!」 

第十七下倒地聲從我十多米傳出，緊接着的是緩慢的腳步聲，正向着我迫緊。 

「佢停左。」我從聲音推斷，我笑了一聲並說:「你係依度!受死啦!」 

我用盡全力向着前方揮出一拳 

「啪」 

我應聲倒地。