呢個世界真係有魔鬼: 第十章 兩團恩怨

一道強光射進我雙眼，喚醒了沉睡的我。 

我迷迷糊糊的起了身，發現自己正坐在醫療室的床上，其他人則坐在椅子上看着我。 

Martin拍了我膊頭一下「你仲未死啊，啱啱畀人打暈左咋。」 

方sir和一個男子走進來，是那個令我們變盲的魔鬼。為何他們有講有笑，像朋友一樣，我不明所以。 
難道方sir出賣了協會? 

方sir看見我們的驚訝之情，便說:「其實我地協會唔係所有魔鬼都殺，一啲一心向善，肯加入協會嘅，我地都會以禮相待，阿強就係例子。」 





「年年嘅訓練我都會幫手，但係方sir...今次嘅水準真係有啲差，無一個人成功傷到我。」男子說。 
「我諗你地一定好疑惑，點解我可以令你地咩都睇唔到。依個就係我滅光之瞳嘅能力，雖然話係滅光，但其實啲燈無熄過，只係你地睇唔到。」 

男子繼續說:「記唔記得啱啱你地有人話我有魔瞳，然後個個望向我右眼，只要同我有眼神接觸，我就可以發動魔瞳嘅能力，令到你地眼度嘅感光細胞暫時失靈，自然就睇唔到野。」 

方sir補充:「希望你地經過今次，學識係同魔鬼戰鬥時唔好同佢地有眼神接觸，大部分嘅魔瞳都係藉由對視發動能力。好嘞，去訓啦，聽日有啲好野等緊你地。」

「早晨啊，巴打。最後一日啦。」Martin的話中好像帶點悲傷之情，或許是不捨得我吧。 





「嗯，早晨。」我續說，「唔知今日方sir有咩搞作呢。」 

我們一同步往集合地點，與其他人會合。 

過了集合時間良久，方sir才姍姍來遲，「sorry，要預備啲野先，所以遲左。」他解釋道。 

「你地準備好就可以行嘞。」方sir邊說邊指着一個房間，一個我們未到過的神秘房間。 

「唔知會有啲咩呢?」阿彩在我耳邊細說。 





甫打開門，只見房中間坐着兩個男人。他們被挷在椅子上，無法動彈，神色驚慌。 

「做咩綁住佢地，佢地係魔鬼?」阿彩問方sir。 

方sir笑着搖頭，走到其中一個人旁邊，突然一拳打向他面脥，說:「問你係咩人啊!唔想受皮肉之苦就自己講啦。」說畢又是一拳。 

方sir面向另一個人，正要拉弓出拳，那男人便大聲喊:「我係撒旦教嘅人，求下你放過我啦，我仲有一家大細要養架。」或許是看到同伴的遭遇，故不敢隱瞞。 

但方sir的一拳還是打了下去。 

「啊...」男子吐出一口血，樣子可憐。 

方sir扯起那男子的衣袖，露出了他手臂的刺青。 

「依個係撒旦教嘅標誌，一個倒星形入面有個圓形，星星向上的兩角是撒旦雙角的象徵，而星形中的圓形就是魔瞳。呢個係一個邪教，信奉魔鬼之王撒旦。」方sir指着說。 





「我呸，你地就邪教!」沒有說過一句話的男人終於開口。 

方sir又是一拳，那男人看來被打暈了。 

「撒旦教係一個邪惡組織散佈世界每一個角落，佢地嘅人專濫殺無辜，我地協會不齒佢地嘅所為，所以除左魔鬼，撒旦教都係我地嘅敵人。」方sir說完便引領我們離去。 

方sir關上門，阿彩立刻追問他這兩人的下場。 

方sir:「唔知呢。」 

門後傳來兩道痛苦的叫聲，不消多久便了無聲色。 

「大家唔駛理埋啲無謂人，返屋企啦。你地完成訓練嘞，聽日就會展開你地嘅實習期，再見。」方sir拋低這句話就走了。 





我深呼吸了一下，亦踏上樓梯回到地面，向着家的路走去。