呢個世界真係有魔鬼: 第八章 武器選擇

我爬到牆壁旁，靜候時機。但遠處還是傳來很多拳擊聲，但更多的是痛苦的呻吟。 

「睇嚟佢地仲有排打，唯有等下先。」我自言自語。 

又一個人倒下，那身體着地的聲音傳入我雙耳。接着是一片靜寂，戰場久久未有動靜。 

「咦...無聲嘅...係咪到我出場嘅時候?」我問自己，「但我成世人都未打過交，得唔得架我...」我竟在關鍵時刻質疑自己。 

「無事嘅，佢地打左咁耐，應該無咩體力，我就唔同啦，應該夠打嘅。」我鼓勵自己。 





終於我鼓起勇氣站直身子，不再讓周圍植物蓋過我的身影。 

「噢，原來你係果度。」跟我說話的人並不是其他人而是阿彩，「打完嘞，我地贏左。」 

她身旁站着的Martin，樣子充滿自信，但卻傷痕累累，腳下則躺着十一個尚有氣息的人。

「估唔到今日唔駛我出手就贏左，個遊戲其實唔難。」，我躺在床上回想今天的事，不知不覺就睡着了。 

「尋日進行左場咁激烈嘅遊戲，今日我就放過大家，做返啲輕鬆嘅野。」方sir故意這樣說來賣關子。 





「唔係又要聽你講書呀...一啲都唔輕鬆囉。」我心想。 

「今日我會畀大家揀武器，你地可以隨便揀，但當然要自己就手。」 

方sir在桌上放上了不同武器，五花百門，連一些說不出名字的都有，但全部都是近戰武器。 

「方sir，點解無槍嘅?」Martin首先發問。 

方sir提起了一把長槍，再望向Martin。 





「我意思係射果啲槍啊，入子彈果啲呢。依家咩世代啊，邊有人仲用依啲，未埋身畀人射低左啦。」Martin解釋道。 

「槍，我地係會用，但我地更多時間會用依啲冷兵器。我地嘅對手係魔鬼，佢地行動敏捷，要射中佢地唔係咁易。但佢地會埋身同你肉搏，依個時候哩啲兵器就係唯一可以保護你嘅野。」方sir表現有點不耐煩。「仲有冇問題?冇就開始揀。」 

Martin一個箭步衝了上前，拿起一把長鎚，一把我拿不起的長鎚。 

「我就用依把野嚟屠魔!」Martin熱血沸騰的道。 

阿彩拿起了一雙伸縮爪，笑着說:「我要做狼人。」 

我走到桌前，苦思良久仍想不到該拿哪件。 

我想起武俠小說中高手經常說的一句話「一寸長一寸強、一寸短一寸險」，或許我該選把長兵器。 

我伸手想要拿起一支長槍，卻發現它十分沉重，我無法提起。 





我的目光轉向一把長劍，那是一把劍刃幼長的劍，我一隻手勉強還能拿起，於是我選定了它。 

方sir補充:「大家應該都知道魔鬼最怕就係銀，你地依家拎住嘅兵器全部係由純銀製成，係對住魔鬼嘅一大利器。」 

阿彩示意我和Martin走向她，「喂，我地依個組合...」她忍着笑說。 

「無個性戰隊。」