呢個世界真係有魔鬼: 第四章 魔鬼在世

方sir聽到我的問題「眼都突埋」，

「細路，你以為我地講玩呀?依個世界有冇魔鬼?咁嘅問題你都仲要問?」 

我被佢一連串反問嚇了一嚇，想起父親經常對我說的那句話，難道世上真的有魔鬼存在? 

「有冇見過人嘅眼發紅光，果隻叫魔瞳，凡有魔瞳必是魔鬼。」方sir似有所思地說。 

「眼發紅光?殺我阿爸個兇手咪眼發紅光，個兇手係隻魔鬼?」我問自己。 





「要同魔鬼對抗，你地就要訓練，雖然魔鬼擁有比人類厲害的體格和異能，但我地人類可以靠訓練和武器來提升戰鬥能力。」方sir充滿自信地說，「殲魔協會由『驅狙捕殲』四個等級嘅戰士組成，分別係驅魔人、狙魔士、捕魔者同埋殲魔師，我係一個捕魔者，而你地若果成功通過訓練就會成為驅魔人，當然如果你地表現突出，係有機會升上去。」 

「仲有冇咩唔明，如果無就散會，聽朝同樣時間係依度見，開始你地嘅訓練。」方sir說完就步出了這房間。 

「喂，點解你啱啱問個咁嘅問題嘅?嚟得依度唔係都信有魔鬼架咩?」一把動人的女聲在我背後傳出。 

「機會來了。有錢女啪啪啪，有錢女啪啪啪。」我心想並轉過頭看這把女聲的主人。 

「哇頂!」我差點叫了出來，問我的女生是一個面上戴着重裝甲的女生，我第一次見識到甚麼叫「馬騮屁股」。這女生一身韓風裝扮，跟旺角見到的女生無異。 





我望着眼前這個mk妹，心中有說不出的衝動，很想一拳打向她的臉，看看她的妝能卸去多少力。 

「嗯。」我不情願地回答，然後頭也不回走了出去，踏上回家的路。 

「究竟我聽日去唔去好呢?」我躺在床上問自己，想着想着就入睡了。