呢個世界真係有魔鬼: 第五章 立下決心

「登登登登登....」 

我從睡夢中驚醒，「邊個咁夜打嚟啊。」我心想。 

「喂，係咪允行啊，我係雷sir，咁夜打畀你唔好意思，我啱啱先做完野。你今日去完協會，決定到之後點做未?」原來是雷sir半夜三更打電話給我，如果他不是爸爸的朋友，我一定對他破口大罵。 

「umm....我未諗好啊...」 

「雖然話你應該忘記傷痛，但係殺父之仇不得不報啊，而且加入協會係最好嘅方法，你只有經過訓練先有機會手刃個兇手，你真係要慎重考慮啊。」雷sir語重心長地說。 





「個兇手真係魔鬼?」我反問他。 

「係。」他回答。 

「咁點解佢要殺我阿爸?究竟我阿爸有咩得罪佢?邊有理由大仇口到要致佢於死地。」我激動地說。 

「依層我都唔清楚，或者終有一日，你可以親自問清楚依隻魔鬼。」雷sir繼續說，「其實我同你爸爸都係殲魔栛會嘅人，佢都好希望你可以成為一分子，佢成日同你講果句野係真，你唔好忘記。我真係衷心希望聽日會見到你，唔講嘞，拜拜。」 

「嘟嘟....」雷sir結束了通話，我也放下電話繼續我的周公online。





「殺完你爸爸，下個就到你。」一個左眼發紅光的男人笑着對我說。 

現場環境漆黑一片，唯一光源就是那紅點，我只能透過那點紅光看到他模糊的臉孔。他好像正走向我，那點紅光亦越來越耀眼。 

我看到他右手正持一劍並殺氣騰騰走到我跟前，只見他的右手拉後，然後插向我! 

「啊!」我大聲叫了出來。 

「唉，發夢都見到佢。」我坐直身子，伸了個懶腰。 





雷sir昨晚跟我說的話仍在我腦海中。既然爸爸的心願是要我加入殲魔協會，那我就應該順他意思。而且他也是殲魔協會一員，或許我應該加入協會，走他走過的路。我心中盤算了一下，有了決定。 

我又回到教會。 

「我就估到你會嚟，祝你成功，入去啦，佢地等緊你。」雷sir看似等了這一刻很久，故跟我說話時表現興奮。　 

「或者我應該相信阿爸所講嘅野，我依家就去學點幫佢報仇。」我說，並打開了那扇門。 

「又係你最遲。」方sir十分不滿似的說。「drop down and give me ten!」 

「咩話?」佢突如其來的一句英文令我聽不清楚。 

「我話drop down and give me ten!係咪連英文都唔識!」方sir的不滿程度好像上升了。 

「吓?做掌上壓?」我心中充滿疑惑。 





方sir續說:「係啊，做掌上壓啊，係咪唔滿意?唔滿意就出聲，我接納投訴架。」 

「做咪做囉，駛唔駛咁躁。」我沒有說出聲，雙手按地開始做掌上壓。 

平時不做運動的我，這十下簡直要了我的命。我拖着疲累的身驅，回到昨天的坐位上。 

「咩你咁孱架，無野啊嘛?」尋日果把動人的聲音又從我身後傳來，心想「唉又係個mk妹。」 

我別過頭來，打算笑一笑敷衍她。 

「咦!個mk妹呢?」坐在我背後的不再是mk妹，取而代之的是一個美若天仙女神級的女生。 

「做咩啊?無化妝就唔認得我?我尋日同你講過野架，我叫阿彩，nice to meet u。」昨天mk妹的聲線現在竟出自眼前的美女，我霎時間不知怎樣反應。 





「認得緊係認得啦，你卸左甲靚好多....btw我叫李允行，nice to meet u too。」我面紅紅地回答。