呢個世界真係有魔鬼: 第三章 初到協會

「下星期一早上準時去依度，佢地會幫到你，記得唔好遲。」 

我一看他給的地址，當堂打了個突。 

「唔係掛，叫我去教會，去識女仔咩，啱啱死左老豆仲叫我去識女仔。」我心想。 

中年男人好像看穿我的想法，「信我啦，唔係你諗咁架，去到你就明。」 

我似懂非懂的點了點頭，帶着疑慮回到家中。 





我睡在床上，回想今天發生過的事。雙眼又再次流淚，母親一早死了，現在連相依為命的父親也死去，只剩下我一個人，才剛十八歲，甚麼技能也沒有，怎樣生活下去。我拿起雷sir給我的地址，或許到教會結識一個富家女是我的出路。 

「雷sir應該知道唔少野，下次再見到佢一定要問佢邊個係兇手，同埋點解佢要殺我阿爸，仲有佢隻眼點解識發光。」我回想起剛剛他對我笑的畫面，身體不禁一顫。

終於到了星期一，我收拾好行裝，準備出發去雷sir給我的地址。 

「九龍佐敦道...唔係好遠啫，就咁行過去算，廢事嘥錢。」 

大約行了半小時，我終於到達目的地。 





「就係呢到，咁大個仔都未去過教會，今日竟然要破戒，但為左我嘅將來，入就入啦!」我走了入去。 

甫打開門，一個女仔迎面而來，還對着我笑，難道這麼快就被我遇到? 

「係咪雷sir叫你嚟架?請跟我行依邊。」 

「唉，原來係依度職員，仲以為咁快被我搵到獵物。」我死死氣跟着她走。 

「依度就係啦，請你自便。」女生說完頭也不回就走左了。只剩我一個，我面前是一道門，門後隱隱傳出一些交談聲。 





「入嚟啦，係出面戇居居做咩。全村人等緊你啊!」門後傳來一把聲如洪鐘的呼喊，應該是一個男人所喊出，而他口中所言戇居居的那人，應該係是我。 

我打開門，一看，這房間不到五百呎，卻坐了十多人，而他們正面向一個高大的男人，看來就是剛大聲罵我的人。 

「好嘞!終於人齊。自我介紹先，我係你地嘅教官方sir，你地嚟緊依段時間都會係由我帶住，清唔清楚?」自稱方sir的人說。「你地坐得係度嘅都係精英，我地組織對你地有好高嘅期望!」 

剛剛找到椅子坐的我，聽到這句差點想站起身，「咩野精英，咩野組織，我係咪去錯地方?」我在心說。 

「等我再講下我地組織，我地組織叫殲魔協會，無錯我地職責就係消滅魔鬼，而你地係度就係要訓練成一個驅魔人。如果你地當中有人以為驅魔人係用十字架驅鬼，或者一心係想學點用十字架驅鬼...」方sir笑了一笑續說道，「你可以出去，我地組織唔需要你。」 

正當我在消化方sir的說話時，一個穿着修士袍的人打開了門尷尷尬尬走了出去。 

「咁仲坐係度嘅人係咪都決定好做個驅魔人?」方sir語帶輕佻說。 

我站了起身，問「咩依個世界真係有魔鬼架咩?」