呢個世界真係有魔鬼: 第二章 父親故友

一群男人走到我身邊，拍了我的膊頭一下。 

「唉，依日終於來臨，細路你無事啊嘛?」一個中年大叔對我說，「我係你爸爸嘅朋友，走啦，依到唔適宜久留，你爸爸條屍，我會搵人處理，你唔駛擔心。」 

才剛經歷喪父之痛，我的腦子一片空白，只好跟着這群陌生男人上了車，然後便被帶到了一所別墅。 

一路上，我都細心留言他們的對話，他們看來沒甚麼可疑，應該跟我父親的死沒有關係。從他們對話推測，剛跟我說話的中年男人是他們的首領。 

「隨便坐，我諗你依家應該有好多問題想問。」中年男人遞了一杯水給我並說。 





「你啱啱好似話依日終於嚟，你一早知我阿爸今日會死?點解你唔救佢?你話係佢朋友，但你見死不救，點解啊!」我十分激動，眼角不自覺流出淚水。 

「唔係唔救，係救唔到。殺你爸爸果個唔係普通人，要阻都未必阻唔到。你爸爸都一早知有今日，你只要記住佢同你講過嘅野就得嘞。」中年男人繼續說「我叫雷sir，除左係你爸爸既朋友，仲係一齊做左好耐野嘅同事。你爸爸嘅死我都好傷心，但你都要繼續向前看，唔好活係過去。佢一早吩咐落佢一死我就嚟搵你，你...想唔想報仇?」 
　 
「報仇?你話佢唔係普通人，就憑我?得咩?」