點解我咁靚仔都無女？: 學校女神篇 part2

翌日，我帶住疲勞嘅身軀，步履蹣跚咁行翻學校。

我一如既往咁坐翻係個位到，但今日情況稍微有變，女神同我講野。

「乜今日變到你咁遲啊」

「咪因為你尋日推介個套野太好睇囖」我必須把握呢個機會，將對話保持。

「下？你睇曬啊？」女神一臉詫異感回答





「係啊，睇到淩晨啊。」我無力地回答

「咁搞笑嘅你？咁點啊 好唔好睇啊？」稍輕佻嘅語氣配住一絲嘅微笑，睇嚟我成功開左話題啦

同距討論左成堂數學堂，呢段時間簡直就係最美好的時光，簡直令我有一瞬間以為呢個世界只有我同距兩個人，周圍一片荒蕪，我嘅耳只有距嘅聲音，空氣亦似乎存在住一絲嘅甜味。

「不如今晚Whatsapp繼續傾啦」我嘅心跳猛然加速，終於將關鍵嘅一句講出口

「下，好阿，不過我無你電話啊」女神好似感到有啲突然，應該無諗到我會突然講呢句





「我電話係92180000」正所謂好嘅開始就係成功嘅開端，第一步就係交換電話。

好快到左夜晚，係時候要Whatsapp，但可恥嘅係我因為今朝話題已經用曬，所以已經無野可以再傾，我亦都唔知距中意啲乜野，宜家一諗我真係有啲失敗。我不斷思索我要唔要whatsapp距好，我怕比距知道我心意，又想同距再多加接觸

轉眼已經九點啦，已經無時間再比我猶豫，掉哪媽頂硬上

「Hi」

「Hi」





「做緊乜野啊？」雖然老土，但係至少開到一下話題，我心諗。

「無啊，睇下youtube咁啦」

「咩片？」不知不覺，我已經由一開始就跌入一問一答呢個無止境嘅地獄

唔得我要儘快講啲野令距感到有興趣，如果比人認定左做悶男，就一世都翻唔到身！

「無乜特別姐。」
「話說呢，呢個禮拜六想穩人唱K，但係又穩唔到男仔，你離唔離？」

「去啊」我以超越黃金聖鬥士嘅速度回覆左距