『假人真事』我的宅男脫毒日記: 5.日記起動

同石他食完飯，我返屋企整理左佢嘅建議。錢，我係冇，衫著得耐會殘。買咁貴都冇意義。但係朋友介紹呢？好不幸，我由細到大都冇女性朋友。除左我一直都係男校之外，我不停都比周圍成年人灌輸「讀好書先拍施」嘅概念。同埋我本身都係一個宅男，星期六日免得過都唔會出街，留返係屋企追動漫，打機。
 
但係要改變生活，先要改變自己。再係咁落去，只會淪落到好似師兄咁。唔係，係比師兄更慘，連拖都未拍過就進入社會依個修羅場。
 
「我要寫日記！」
 
我係一個冇恆心既人。以前考完DSE，我都試過發誓要脫毒追女仔。不過好快冇左回事，今次我時間冇多，一定要成功！我諗如果我每日寫日記，寫果陣又睇返尋日，乜都做唔成，就會比到警惕我，唔好放棄。
 
冇錯，我下定決心，由聽日開始改變，同埋，而日記記錄我既行動。