一生無法忘記的妳: 第十一節

今日係星期日，每逢星期日我都會叫我老豆帶埋我去車房同佢一齊睇下有咩新配件可以改落架車到。
如果大家對改車稍為有啲了解，都知道通常會改啲乜，宜家我就再解釋下。
一般初學改車既人都只會改車軚。
至於一啲有改開車既人，就會改鮑魚，車軨，引擎同車頭尾燈。
但一啲改車改得比較瘋狂既人，就會改埋避震，油缸，秒錶。
我老豆係屬於挽下個種，所以只係改左車軚，引擎，車軨同加鮑魚。
落到車房，我老豆就問個老細有咩新貨，之後個老細就講左一推英文加數字連埋價錢，我梗係吾明堆字解乜，我問我老豆佢講乜，我老豆話係車軚入面個舊鮑魚既代號。
我老豆話佢上星期改左個引擎，叫我上車陪佢兜下，睇下有冇咩大分別。我老豆架車係三菱牌，本身係GTR款.所以佢只係改個三樣嘢，冇改車殼同車頭尾燈。
一開車已經聽到個把跑車聲，爽呀。我老豆話行轉龍翔道睇下個引擎行得順豆順。個時夜晚晚十點幾，龍翔道吾多車，啱啱好比我老豆試車，點知有架波子行到我地隔離之後就慢駛，吾通佢想挑機...？