一生無法忘記的妳: 第十節*

我知道通常戲院都好凍，就特登帶左個暖包黎，我見dead左air咁耐，就決定要行動。
大家一定會以為我會問佢，你凍吾凍啊，然後就吾理三七廿一比個暖包佢。
但我冇咁蠢。其實我已經注意到好耐，佢係咁伸隻手入自己外套個袋，証明佢真係好凍。我好小心咁慢慢擺佢隻手入我衫袋，初初我以為佢會大叫“喂你做咩啊？！”但佢竟然冇...佢只係望左我一眼，然後輕輕咁笑一笑，然後就繼續睇戲。
就係咁，套戲餘下個四十五分鐘，我就拖住佢隻手收係我放左暖包既外套袋入面，我一開始的確有啲緊張，但之後就好珍惜每一秒，因為我第一次拖到自己中意既女仔隻手...
睇完戲之後我好自覺咁放手，本來想同佢睇完戲食飯，但點知佢屋企人叫佢反去食飯，所以我唯有送佢反屋企就走。
臨走果陣我問佢遲啲仲岀吾岀黎，佢話好呀，佢要請反我睇戲或者食飯咁話喎。
我真係好開心，睇黎我距離溝到佢又邁進一大步。