一生無法忘記的妳: 第十二節

我同我老豆都注意到架波子的確係我地隔離然後減左速，我老豆見到咁既情況，就同我講，坐穏啦。哈，吾洗講，一睇就知我老豆要同人鬥啦。
我老豆一加速，我感受到個人扯左去後面一下，我見到架波子比油追我地，行到龍翔中心隔離個條公路，架波子竟然爬左我地頭，我老豆梗係吾甘心，就比油比到120km/h，我個時已經感受到個人飄飄地，行到公路中間個陣，好似拍戲咁，已經追反架波子仲超前埋佢。
架波子吾知係咩原因就收油冇再追，我老豆笑一笑，享受個種贏左既感覺
自此之後，我決定大個都要好似我老豆咁改車，砌低所有挑我機既人！！反到屋企，已經十二點幾，我沖完個涼就訓左，等聽日反學見慧琪