一生無法忘記的妳: 第九節

今日係個好隆重既日子，第一次同自己中意既女仔岀街，所以我好早就起左身，然後開始揀衫。
著咩衫褲好呢...又吾好太花又吾好太寡，唉屋企又冇好多衫，為左比佢一種舒服而自然感覺，我揀左運動裝，我上身nike air，著件izzue外套，下身配條adidas窄腳褲同對air max。揀完衫就沖個香涼，沖個陣我一路諗我可以同佢傾乜呢，一路諗，沖下沖下沖左十分鐘。睇下手機，差吾多時間，執齊嘢，就著衫褲岀去。
到左之後我打比慧琪，原來佢已經係戲院等緊我，我搵到佢之後就買飛，我特登叫佢幫我睇下啲爆谷幾錢，因為我吾想要佢比睇戲錢，到時就難做，佢睇完之後就走過黎問幾錢張飛
“佢地話我地咁啱係第一萬個顧客，所以免費睇“我笑住咁話
”你認真啲啦”
“唉吾洗啦，遲啲你請反我咪得囉”
佢知道點講都冇用，於是面紅紅笑笑口咁同我一齊入左戲院
初初睇緊果陣都好多嘢傾，又傾下套戲，又笑下，但過左陣就dead左air，但戲玉原來係係後頭....