明明早該放手 但有眼看不到: 第五十四集
12月30日
咁快又過左幾日...我都唔知自己係度做緊d咩?
一時好正面咁諗...佢話好朋友姐...唔代表唔可以更進一步架喎
但係更多時候係....佢都話左係朋友...講到咁又邊會有發展既方間?
唉...
正當我依然情緒低落既時候......
淇 : 喂傻仔
我 : 點啊淇姐
淇 : 你前日好古怪喎
我 : 咩古怪呀
淇 : 飲醉曬講埋曬d野我都聽唔明
我 : 咩呀根本我就無醉
淇 : 當你係啦...係咪因為呀欣啊?你之前唔係話放低左好多架咩?
我 : 唔係啊
淇 : 實係啦...
我 : 都話唔係
淇 : 咁你果日做咩..你個fd做咩話你情傷?
我 : 都話佢亂講咯
淇 : 我唔信!!
我 : 呵呵唔信咪算
淇 : 喂...聽日我地不如倒多次數
我 : 又係過左十二點先出現呀妳?
淇 : 頂你今次唔會
我 : 呀文佢地呢?
淇 : 我無叫喎...你想叫你叫啦
居然搵我兩個人去倒數?
當然我係唔會叫呀文佢地黎阻住我啦
我 : 唔叫喇廢事啦
雖然我都唔知廢事d咩....不過相信好多人話唔做一件事既時候都會話''廢事啦''
的確係好好用既廢話
我 : 咁妳想去邊度?
淇 : 你飲醉酒果個公園
我 : 都話無醉
淇 : 有
我 : 無
淇 : 有!
....
我是不是真的應該接受現實好好的當個朋友?
還是無論如何都是同佢講我鍾意佢?起碼自己無遺憾??!!
已經低落左咁多日既我好似無左理性咁...就算做唔到好朋友..
我諗我都應該認真咁...坦白咁面對自己既感覺...我決定
whatsapp表白 fuck fuck fuck
我 : 呀淇
淇 : 嗯?
我 : 我鍾意妳
講真等回覆既時候我真好似就快死等宣佈死亡時間咁
但係佢又覆得好快咁喎
typing...
淇 : 唔好笑
我 : 我認真架
今次似乎耐左覆...
講真我打果4隻字我鍾意妳...打完一按sd出去都已經好鬼死後悔...
做朋友唔得既?係都要連朋友都無得做...滿足自己想表白既意欲
淇 : 同你玩個遊戲
又係不了了知??
我 : 咩...
淇 : 不如睇下聽日十二點前你搵唔搵到我?
我 : 下!?