明明早該放手 但有眼看不到: 第五十五集
12月31日
即係今年既最後一日...即係廢jer whatsapp表白完既第二日
佢話要同我玩所謂既緣份遊戲....我即刻心諗...tvb都唔用喇喎依種...
我 : 點搵妳呀(我唔係講粗口)
淇 : 唔知架...比12個鍾你睇下你去邊度搵囉
雖然好奇怪點解會話我係佢好好既朋友...而家又好似比佢希望我咁...
不過我相信有希望都總好過無希望......(係咪睇個故咁耐第一次咁正面樂觀呢?)
既然係咁....搵啦...
用一日既時間去曬所以可能有關係既地方...
既然係可能有關係...咁我就從遠既地方開始搵...
11:00 am
我坐上左從旺角開往西貢既巴士...去左我地燒野食果度
當然我知9成9佢都唔會係果度...但係我唔想放棄任何一個既可能性
坐起巴士上面...
我諗起佢訓係我博頭上面...雖然我係好攰...但係如果可以
我都係會比佢挨落我個博頭度....
可能果陣時我已經慢慢開始鍾意佢
去到燒烤場...一個人都無...
唔緊要!一個地方無我仲可以去第二度搵佢
番學校搵!!
不過依d日子學校好似唔開門架喎....
都要去
1:00 pm
我係旺角坐車番番屋企果度...再跑番學校
經過果間我曾經以超音鼠跑入去既屈臣氏...
呵呵...諗起果包夜用m巾同埋原味葡萄適..
可能果陣我已經開始著緊岩岩出現係我世界入面既佢
原來....我做既傻事都真係唔少...
唔怪得佢成日叫我傻仔...
傻小子 妄想找到優美開始
http://soundcloud.com/sing-to-say/tzupmzbkidn5
果然學校真係無開門...
唔緊要!!仲有糖水店...佢咁鍾意食糖水...話唔定就係果度!
3:00 pm
我到左果間同佢第一次食糖水既糖水店
仲記得果次我地仲撞到老葉同埋呀yan
果陣我望到粒聲都唔出既呀淇..仲係一頭霧水
呵呵....記得果日佢仲話我知佢男朋友係老葉...嚇得我...
可能果陣我已經開始在意佢同邊個男仔拍拖...
依度都無....
4:30 pm
唔緊要....仲有尖沙咀果間...
佢話老葉同佢去過果間...
雖然係老葉同佢...但係我都唔會忽略依一個可能性...
記得果一日..佢食既時候一直悶悶不樂...仲問我點樣先可以忘記老葉...
但係我都比唔到一個好既答案佢...
果然...依度都無
可能你地會話...人地呀淇有腳會走家嘛...你點知道你去果個時間佢一定係度呢?
我知...我明...所以我從一d遠d同機會少d既地方開始搵起...
好多條同佢行過既街...咁多個月去過既地方....
食過飯既餐廳...我全部都去曬....但係都係無見到佢...
搵左咁耐....都係無..
去到夜晚7點...我開始係度諗...
其實依一個所謂既遊戲...係唔係只係想我知難而退...
而呀淇唔想直接拒絕我...所以諗住用'緣份'作為藉口等我可以好過d...
可能佢係一個根本我地就無去過又或者無關係既地方.....更加可能其實佢係屋企無出過門口...
...我咁樣搵法..有意思咩?
依...仲有旺中neway未去!!!!!!!!!!!!!!!!!!!!!!
咁我就緊係即刻去啦
點知多人到......唉...
又無車....
8點先上到車...
去到neway....人多到呢??就算佢真係係度我諗我都見佢唔到...
...仲記得果次本來係我同呀良兩個人去唱...點知無啦啦變左咁多人...哈哈
...仲有果隻...退後..
結果再一次令我失望...我係旺角搵左個幾鍾,都係無...
今日去曬所有既地方...依然係見唔到佢..
證明連個天都想我放棄啦?..
http://soundcloud.com/sing-to-say/wywinthi4vo5
番屋企既時間已經係11點...
坐係果一架紅van上面...
我好灰心...真係好灰心...
我諗妳直接咁拒絕我...會比同我玩個所謂遊戲更加好
記得我成日都話希望愈大...失望愈大...唔好期望任何野...
但係今次妳叫我點樣唔期望?
諗起..番學仲要面對住佢...我成個人都好down
笑住?扮無野?定係唔同佢講野...?
我唔知...我只係知道依一刻...我真係好失望...
番到屋企樓下...我唔想上到去見到老豆呀媽...比佢地問我今日做左咩黎...
點解咁既樣...因為我真係好累...身累...心都係...我唔想再笑住咁樣話我無野
於是我又買左幾鑵啤酒去屋企樓下果個公園....
果陣係00:15...我並無妄想佢會忽然間係我面前出現...根本就係電視劇入面先有既...
一路飲住鑵啤酒一路行去公園..
我聽到...
X : 喂!傻仔
我即刻抬起頭望....係呀淇...
我 : 呵呵...過左十二點先見到妳...呵...
淇 : 係啊你輸左..不過你就算十二點前見到我都唔代表到d咩架喎
我 : 呵...我知
淇 : 我等左你好耐喇
我 : 等我?!!
淇 : 明明約左你係依個公園度倒數架喎
我 : 但係明明係妳話玩咩搵妳...
淇 : 係呀...不過我無話過倒數活動取消喎
我 : 下....即係..
即係其實佢根本就唔係要玩咩緣份遊戲...佢根本..就係比個機會我無論點我都會係十二點之前搵到佢
點解我諗唔到既呢?仲去左咁多地方...做知係屋企訓覺好過啦..
講笑...如果比我簡多一次..我依然會好似個傻仔咁去曬所以同我地有關連既地方
淇 : 張樂晨...我都鍾意你...
我 : 妳...妳都鍾意我?
淇 : 係啊...唔似咩?不過可惜過左十二點啦喎
她果然連說喜歡人也說得這麼....有趣(?)
佢都鍾意我?雖然我仲係有好多野唔明...但係我聽到果一刻真係好開心...
我 : 妳岩岩話就算十二點前見到妳都唔代表到d咩架
淇 : 唉呀...講錯野tim...算啦..一人一次
我 : 咁...即係點...?
淇 : 你唔覺得表白都用whatsapp好無誠意咩?
她還是笑得很甜..
我 : 係..係呀
淇 : 係囉
我 : 其實識左妳之後...我就發覺我愈來愈緊張妳...妳對我愈來愈重要...
更加發覺...我對呀欣其實一早已經淡左...
但係我一直都無察覺...直到我發現我自己鍾意妳
無錯..我鍾意妳.吳樂淇.
淇 : 哇你幾時講野咁叻架?!
我 : 咁妳呢...妳....真係鍾意我咩?
淇 : 呃你做咩?
我 : 妳明明比好人卡我架...
淇 : 咩野好人卡呀...
我 : 多謝你...雖然我地識左唔算耐...但係你成日同我傾計又開解我
唔似得有d男仔最後都只係想追我又或者點...真係好開心有你依個朋友
淇 : 下...我咁講有咩問題喎....我講真架喎...真係好開心有你依個朋友...
但係無話過唔可以做...男..朋友喎
原來真係好似呀良所講..佢講d咁既野真係無意識
我 : 妳都會怕羞架?!
淇 : 咩啊!
我 : 咁....葉文晨呢....妳早幾日先話放低佢..
淇 : 係因為你囉
我 : 我?
淇 : 就係因為鍾意你...先慢慢放低到佢....本來...
我 : 本來?
淇 : 本來...我都想講...但係怕你以為我仲好鍾意果個人.....所以諗住過多一排先講...點知你就話你鍾意我...
我 : 咁.....你幾時鍾意我架?
淇 : 妖咁多野問我唔鍾意啦咁
我仲係處於開心mode...
我 : 唔問囉..
點知一話唔問佢就答喇喎
淇 : 可能係個傻仔買m巾果陣...又可能係我訓係個傻仔博頭佢唔敢郁果陣..
我頂妳妳扮訓?!!!
淇 : 知唔知點解我要拎果個你諗住送比呀欣既音樂盒?
我 : 唔係話妳覺得好令咩?
淇 : 令鬼你品味咁差...
我 : 咁點解?
淇 : 我知道你一直都好care果年聖誕既事...所以先拎走廢事你睹物思人咋
我 : 哦妳呷醋
淇 : 呷你個死人頭...咁你又知唔知點解我話要係依個公園倒數?
我 : 下..點解?
淇 : 因為我第一次聽到有個傻仔話鍾意我係係依度囉
屌妳原來果日妳聽到扮聽唔到既!!!!!
玩我咁耐仲扮曬咩都唔知係度問我sosad
我真係無言以對了....我又柒了...
我 : 妳聽到又唔講?!
淇 : 呵呵...你理得我?
我 : 好肚餓呀...食野啦!
淇 : 無食晚飯咩?
我 : 無喎...
淇 : 你唔好話我知你成日都無食過野喎?!
我 : 你點會知架..?!!
淇 : 傻仔...
我 : 好喇喎唔好成日咁叫喎
淇 : 食唔食出前一丁?
我 : 食!
淇 : 我唔落麻油架喎
我 : ....
兩個人就咁慢慢行番去...
我 : 可唔可以拖妳...?
淇 : 拖啦...
我 : 可唔可以攬下妳?
淇 : 我話唔可以你係咪唔攬?
我 : 嗯
無錯我無攬到佢...不過今次係佢攬住左我
我 : 我愛妳.
淇 : 我都愛你.
--完--