明明早該放手 但有眼看不到: 第五十三集

無錯...呀良所講既好岩....我唔應該太上心...
無錯而家我確定自己的確係鍾意呀淇...
但係佢只不過係當我好朋友(?)
 
呵呵...
 
今日係12月26日...我咩都做唔到
過左平安晚同埋聖誕節...
可以話係大起大跌...我指心情
 




以前一直鍾意住呀欣..因為佢一個動作....講野一句野..我就上曬心.
只係識得盲目咁做一d個個好人都會做既野...
佢唔開心既時候送上幾聲安慰
佢有事既時候幫佢一把
佢想要既野想辨法幫佢得到
佢唔舒服既時候給予關心...照料
 
妄想咁樣做係可以感動到一個女仔
無錯...一個無鍾意過自己既女仔
 




可能有人會問...點解你唔諗下放棄..
如果真係咁容易放棄得到...我諗果個一定唔會係我張樂晨..
我更加懷疑過究竟係我唔捨得回憶?...定係回憶唔比我走?
我自己都唔知到
 
我留戀以前同呀欣溫書...逛街...聽歌...開玩笑..
就算係好少好少既事...就算佢唔記得曬...我都會為佢而記住
希望有朝佢想記番起...咁我就可以一一咁講番比佢知
 
5年...原來我已經鍾意左佢5年...




其實5年我做過d咩?陪住佢?睇住佢同一個又一個既男仔發展?跟住再來一個亳無結果既表白?
 
直到黎左通普讀書...識到呀淇
一個對待感情好認真女仔...
一個忍受唔到男朋友多女仔fd既女仔
一個煮出前一丁唔落麻油既女仔
佢係一個珍惜我真心對佢好既女仔
佢係一個坦白...不拘小節既女仔
更加係唯一一個成日對住我傻仔傻仔咁叫既女仔
 
唔知從幾時開始我已一點一點咁鍾意佢..但係我一直放左呀欣係腦海
所以從來都無意識到依件事
 
慢慢同呀淇相處..
當佢低落既時候我會自自然想開解佢




當佢講葉文晨講到眼紅紅既時候我會心痛佢
當佢話只係當我係朋友既時候我好似有種感覺懸空左係胸口
雖然我唔鍾意食蕃茄...但係我好想食多次佢既三文治
雖然我唔鍾意食甜品...但係我又唔介意陪佢去食
雖然我係佢''好好既朋友''....
 
不過就算呀淇鍾唔鍾意我都好...我諗我都應該放低呀欣
雖係回憶係美好...但係回憶再美好都唔會有一個好既結果
 
我更加懷疑我鍾意呀欣已經成為一種習慣...
一件連我自己都以為係理所當然既事
原來有d野你以為係咁...事實根本唔係
 
明明早該放手,但有眼看不到?以前我的確放唔到手....但係今時今日..我諗我做到..
 




http://imusic.hk/index.php?t=audio_player&mode=song_hifi&band_id=7039&song_id=3712
聽多次主題曲啦