明明早該放手 但有眼看不到: 第五十二集
陪佢傾左好耐....
講下佢之前同老葉既事...又講下我之前鍾意呀欣既野
相比起之前...佢對老葉都係好少提起
但係今次佢又好平靜咁樣同我講
我諗佢真係好努力咁嘗試放低老葉
而我?都未比佢知道我鍾意佢就已經得到好朋友卡
出師未捷身先死??!!!!
一路努力維持住唔比佢睇到我好灰...
其實心入面真係好down...就好似當時呀欣話有追求者問我接唔接受一樣
番到屋企...成晚都訓唔著..
一直諗住
『真係好開心有你依個朋友...』
我唔想再一次好似面對住呀欣咁...
以好朋友既身份去對佢好...去鍾意佢...
根本咁樣就無任何結果...只係自己一個辛苦落去...
去到第二朝...個頭都真係有d痛...連自己幾時訓著左都唔知..
但係腦入面依然記住曬尋日佢講既所以野
跟住果一晚....我係約左呀源同呀良...但係最後呀源都係無黎到
咁可能仲好...可以同呀良傾下...
我 : 佢話『真係好開心有你依個朋友...』
良 : 收卡?!恭喜曬喎
我 : 我可以點?
佢見到我咁既樣佢都開始認真咁...
良 : 其實我覺得唔係完全無機會...首先佢講依d野之前
你有無講左d野比佢sense同你鍾意佢先?
我 : 無..
良 : 咁即係佢係真係有感而發覺得有你依個朋友好好..而唔係刻意比張好人卡你啦
我 : 意思咪一樣
良 : 咁即係佢話你係一個好好既朋友...但係唔代表佢只可以同你做朋友喎
我 : 既然人地完全無諗過另一方面...我何必...
良 : 話唔定佢咁講只不過係無心咁樣講出黎...唔代表到D咩呢?
我 : 唉...我唔知我可以點做...用個好朋友既身份鍾意佢?咁樣真係好咩?我唔想再好似之前咁樣
良 : 唔好咁啦...你都未追過....你點對佢好...幫佢做野...開解佢..咁樣都唔代表依D行為係追家MA
你都未追過...一見到朋友卡就縮....太無志氣喇...
我 : ....
良 : 一係咁啦...平常心?
我 : 平常心?
良 : 拿...咁你地係好朋友...咁你都係會好似平時咁對佢..係咪先?
我 : 緊係..我唔係果D一知道追唔到就態度變曬既人
良 : 我知...咁倒不如...所以野都保持住而家咁樣...你又唔洗成日記住尋日佢講過既野
而且佢又話放低果個有錢仔...照咁睇你既機會都仲好大架
我 : 真...真係咁咩?
良 : 如果你真係認為佢唔鍾意你既話....你不如試下同下其他女仔玩..可能可以慢慢忘記到呢...?
我 : 但係我而家咁鍾意佢....你叫我同其他女仔發展我根本提唔係興趣...
良 : 咁...呀欣呢?
我 : 呀欣?!
良 : 無錯...係呀欣..佢鍾意你既話你點
我 : 佢鍾意我?!你玩咩? 要鍾意就一早鍾意左啦洗等到今時今日?
良 : 咁假設佢鍾意你...你仲鍾唔鍾意佢?
我 : 我自己都唔知....就好似對住呀欣就好鍾意呀欣...對住呀淇就好鍾意呀淇
又好似呀淇慢慢慢慢佔既分量愈來愈重...
良 : 你正一仆街仔...
我 : 我從來無諗過咩溝曬兩個咩同步進行..況且我溝唔到
良 : 我知道你唔係d咁既人...你只不過分唔清楚自己諗d咩姐...
老實講...我覺得我鍾意呀欣好似已經成為左習慣咁
以前當有人問我鍾意邊一個...我腦入面第一時間就係會諗係呀欣
但係到左而家..我已經唔肯定...
我 : 我諗佢兩個對我黎講...都好重要
良 : 幾個月既感情真係可以同幾年既感覺相比?
可以!絕對可以.....依樣野我係呀欣身上完全睇得到
絕對可以講曬我所有野比一個佢識左無耐既所謂''呀哥''聽
絕對可以覺得識左幾個月既''呀哥'''重要過我
無錯...佢都有''呀哥''
我屌你班ON9仔咪撚認親認戚啦
呀哥呀妹...都唔知做乜鳩
博分身家定博上床....雖然我唔撚明點解呀欣無身材..又唔係話令女都會有''呀哥''
不過真係ON9的...我絕對鄙視依d認人做咩呀妹既仆街
唔好同我講係純友誼
純友誼唔洗玩到咁撚樣既...無居心根本唔會認呀妹
完全都唔撚明係咩野心態?
唔好反駁我...罷工唔打文架
sor offtopic
我 : 呀淇係一個我對佢好而佢知道...佢會多謝我...佢會察覺到我做左d咩...而呀欣唔係...
我都唔知點我會鍾意佢
良 : 唔好愈講愈激動..愛佢變成恨佢啦
我 : 無事
良 : 唔洗唔開心既...又唔係判你死刑...你又未玩點知輸呢...可能係先決條件差d姐...
你都識講依個呀淇同呀欣唔同啦
我 : 可能啦...
我 : 不如落街去公園飲啤酒
講真係其實我真係好少好少好少好少飲酒...
不過似乎飲酒可以訓得著...
咁不如同呀良落去飲下仲好
兩個人買左一打...就咁坐係公園個地下
我 : 唉我真係唔明...點解好人要收卡....但係仆街有錢仔就咁多人鍾意?
良 : 係咁架啦...因為好人太多...多你一個唔多...少你一個唔少
我 : 點解?點解我鍾意親既女仔都話當我好朋友...係咪真係我好有問題
良 : 你樣衰囉可能
我 : 唉...我都覺...點解?點解我呀媽生到我咁樣衰?
良 : 一陣番上去問下佢啦
我 : 點解....點解我個腦入面會全部都係佢
良 : 聽尖尖尖啦
我 : 點解?
良 : 洗下你個腦囉
我 : 唔好笑...哈哈......
良 : 你醉撚左喇
我 : 邊q到有碎姐
良 : 粗口都出曬黎喇你
我 : 屌而家你唔係咩
良 : 哈哈...哈哈哈..
我 : 哈哈
良 : 仲飲..唔好飲啦on9
我 : 其實點解有時做人要咁清醒咁理性
其實我未醉...只不過係..我好想醉
良 : 清醒唔好咩?
我 : 我一清醒就會諗起''好朋友''依三個字....一理性就會諗佢根本唔鍾意我..我咩都做唔到
良 : 咁你咪溝呀欣囉...你都on9既
我 : 哈哈...呀欣...佢咁撚多人溝...
良 : 你好有機會架你知唔知
我 : 欣你條命咩...佢無珍惜過我...只不過係悶既時候就搵下我..有野要幫手又搵下我...
佢....佢...唔得架.....我係佢世界消失佢都唔會察覺得到架...我而家鍾意呀淇!!!
良 : 咁咪上囉等開飯咩而家
我 : 哈哈...上咩...
講真而家又唔係太夜...都仲有小小人經過...見到我地兩個on9仔係度真係要行快兩步
X : 張樂晨?你係度做咩?
呀淇?有無咁tvb呀咁都比我見撚到妳....真係唔想面對妳.....一見到妳就清醒曬
我 : 哈哈..吳樂淇..妳係度做咩?
淇 : 我岩岩聽到有人叫呀淇...點知係你..搵我咩事?
心諗妳聽唔到前面果d...真係lucky
我 : 無啊...妳聽錯啊
淇 : 哦...咁你兩個係度做咩
良 : 佢情傷我陪佢飲酒
屌...你飲幾鑵就醉架仲要亂講野
呀淇望住我..
淇 : 呀欣做左d咩啊?
屌 係妳呀唔係呀欣啊...
我 : 無啊..佢亂講妳又信...
話時話我果陣都有d醉...面又熱又紅..
淇 : 你飲醉左?
我 : 邊度似飲醉
淇 : 度度都似飲醉
我 : 哈哈...哈...係咩....妳做咩又唔著多件外套呀?
淇 : 我落黎買d野諗住好快上番去點知見到你兩個係度唔知做咩
我 : 著住啦
我再次除左自己件外套比佢...
淇 : 唔洗啦..
我 : 哈哈..唔係話好好朋友咩...著啦..
淇 : 咁做咩咁睇唔開兩個係度飲酒
我 : 無野啊...興之所至...哈哈哈
淇 : 你醉左喇喎
差點就罵她精神病了
我 : 都話無...如果我醉左我實會咩都話曬妳知
淇 : 你講緊咩呀...個個醉左都話自己無醉架啦
又係咁...好似呀欣都係咁講過
我 : 呵呵....咁個個放唔低既人都話自己放低左架啦...
淇 : 你...你做咩啊,,,做咩無啦啦...咁講?
我 : 無野呀...你快d番上去啦...
看來我的話令她有點不開心了..
她也沒管我了...走了回家
我...是怎麼了...?