今個學年,我多左三個女室友: 24

「阿An呀,我地不如去睇戲囉。」
「但係...呢排都無咩戲睇,又開哂場,下一場等好耐喎。」
「哦...咁好啦！」

「唔好咁啦阿Kay,不如食左野先啦！阿An今朝食d咁既野,一定好肚餓。」
「係喎！今朝阿An.....」
她們兩個一直在笑,其實有空就吃得清淡一點有甚麼關係呢？
於是我們便到頂樓的food court吃飯。三人去到一間拉麵館,點了菜,在桌邊等候著。

「考完今日再考埋accounting就真係考完啦！」


「係呀！我都係淨返一科psychology。阿An你諗住幾時去練波呀？仲有Amy場附加賽你睇唔睇架？」
「睇...睇呀！睇完之後先去練都ok啦！」
「阿An講得岩架,我地隔左咁耐都唔知其他隊練成點,睇下人地點打先再決定啦！」

「嗯...咁我地一陣去邊到玩呀？」
「不如溜冰呀！我都好耐無玩啦！好無阿Kay？」
「下？唔係掛？」
「做咩呀Kay？你唔鐘意咩？」
「阿An你有所不知啦！其實阿Kay佢每次都係陪我溜架咋,佢唔識玩架！」
「都唔緊要啦！咪一齊玩囉Kay。」



於是我們就去到溜冰場,換好鞋進場,阿Cat已經快速的滑了數圈。
阿Kay則在場邊緩慢的滑行,我滑到她面前,牽著她雙手,倒後帶領著她掌握技巧。
阿Cat也來在旁指導她,很快的阿Kay就放開了手,自行滑了數步,卻跌倒了。
爬起來後她再牽著我的手慢慢滑行,也不敢輕易放開。

「阿An呀...你咁教我你會唔會好悶呀？」
「唔會,依家教識你,下次咪可以一齊玩囉。」
「嗯...我得架啦！我試下自己行。」
我慢慢的放開她,她很緩慢的滑著,但也自己完成了一個圈。



她漸漸的掌握到平衡的方法,首先她不會跌倒。
後來她可以不依靠扶手自己滑行,我便回去找阿Cat。
起初我的速度是比她快的,但她也不弱,一直跟在我後面。
我伸出手給她牽著,兩人踏著一樣的步伐滑行。

在溜冰場內,我們有如一雙蝴蝶一樣,在人群中穿梭往來,帶著她旋轉。
滑了十數個圈,我們終於停下來,走到阿Kay旁邊。
「你兩個自己玩得啦！唔洗理人地啦！」
「邊係喎阿Kay,我都唔知阿An原來仲勁過我。」
「唔好咁講啦！阿Kay都學得幾快呀！唔洗好耐都可以同我地一齊轉架！」

「哼！講你就容易,你知唔知我幾驚呀？」
「好啦！我地一齊行啦！我拖你右邊,阿An拖你左邊啦！」
我們左右拖著阿Kay,快速的前滑,讓她也感受一下溜冰場上速度的快感。


她也顯得很享受,其後她慢慢的放開我們的手,自己維持著速度撞在牆邊停下來。

阿Kay便依靠在扶手旁休息。
有用不完的體力的阿Cat又拉著我出去。
很快我們已經玩了4小時,我也體力透支了。
離開了溜冰場,走上港鐵站坐車回家。

這種放工繁忙時間,車廂內十分擠擁。
我們站在車卡末端,位置比較多。
阿Kay依靠著車廂壁,阿Cat則在車門側站著。
我站在阿Cat面前,免她受其他人的壓逼。

到達旺角站轉線,阿Kay很快的就走出了車廂。
前面的人群出了去,我和阿Cat才有更多的空間慢慢走出去。
在月台上等車的人也不少,我把阿Cat帶到面前,她抱著我的腰。


呀！胸口又被她壓逼著。

她的頭枕在我的肩前,我也不顧胸前的陣痛,只要保護她免受衝撞。
阿Kay在旁看著手機,大概沒留意我們,我看著她,似乎是習慣了港鐵的擠迫。
等了兩班車我們才有空位上車,終於都到了佐敦站。

我們走上了地面,去到香港飲食界四大奇蹟之一的某國牛奶公司用餐。
效率實在是相當快,十五分鐘不到我們已經出來了。
踱步街上,慢慢的回到家中。

「嗯？你地返來啦！」開門的Daisy很高興的迎接我們。
「唔該你Daisy。」
「唔緊要啦AnAn！」

我輕按她的頭頂,她合起雙眼,很開朗的對著我。她又靠到我耳邊。



「今晚我又整左甜品,一陣我拎入房,你入來就食啦！」

「嗯...好呀！一陣我沖好涼就食。」