今個學年,我多左三個女室友: 25

阿Cat先去洗澡,阿Kay則還在掃動她的手機。
不久便換阿Kay去洗澡,阿Cat則和我坐在沙發上看電視。

「阿An呀...今日真係好開心。」
「係呀！但係...阿Kay好似唔係咁諗...」
「唔知呢？佢應該無事既,頭先佢都玩得好開心呀！」
「希望佢真係無事啦！頭先玩完冰到依家都講唔夠10句野。」

「哦...無事,佢係煩緊考試個堆野姐。」
「最好係咁啦！我驚佢嬲我同你咁close...」


阿Kay很快的出來了,輪到我用浴室。
不耽誤太多時間,沖過沐浴露便回到房間找Daisy。

「Sorry呀Daisy,等左好耐呢？」
「無呀！反正個蛋糕可以凍食既,你快d試下啦！」
「唔...好味喎...我指我張食譜...」

「咪咁啦AnAn,再係咁我唔整架！」
「好啦好啦...係啦你都整得好好味。真既。」
我又切下一小塊餵她吃,她很開心的吃著,跪坐在床上。



吃完了我便拿碟子去廚房清洗。
這時候,家姐回來了,又進了廚房。
「蠍仔洗碗呀？」
「係呀家姐,頭先Daisy佢整左個小蛋糕俾我食,我咪洗返隻碟囉。」

她又試攬著我,整個人貼在我背部。
來自家姐的壓迫感絕不比阿Cat小,更何況她一直進攻我的要害,就是我的右頸。
我整個人就任由她擺佈,差點更把拿著的玻璃碟摔在盆內。
我才放下了碟子,轉身雙手也放在家姐的腰間。



「家姐你係咪有野想講？」
「蠍仔,今日...有政府既人搵過阿爸傾野」
「係咩人來架？」
「我唔知,不過我偷睇到佢地個樣同件衫既logo,好似係奧委會同港隊既人。」

「下...佢地有咩好傾呀？要阿爸贊助佢地出制服呀？」
「唔知呀！佢地傾完無開例會,只係阿爸即刻call左阿媽,姑媽,同埋舅父入房商量左d野。」
「咁奇怪？」

我只是一個疑惑,也想不到父親與政府人士有何關係,要母親,姑媽和舅父一同商議。
家姐卻乘我不備,一下子吻在我的右頸。
她要是抓我的癢還好,以她的功力吻在我要害我連5秒都撐不住。

「家姐呀！放過我啦....家姐....Hailey....」


她還用手不斷進攻我的左腰間,我一時支持不住就反抓她的背。
她又加強攻勢,一會便放開了我。她摸摸我的頭,親了一吻。
「蠍仔呀...你比賽要俾心機呀！好好珍惜機會呀！」
「做咩呀家姐？」
「到時你就會知架啦！總之...加油啦！」
 
過了幾天,我們全部都考完試了。
重新走進球場練習,Daisy也間中拿起球,打了幾局。
Amy的附加賽排期在星期二,她便與阿玲佩心一起練習。
這幾晚除了吃飯和買日用品,都沒有和我們溝通。

這天我和阿Cat,Daisy,家姐在球場練習。
「阿An呀,我上網睇完人地打7,10樽既新方法,你睇下。」
阿Cat拿著平板電腦給我看。



「試下啦AnAn,我地幫你拍片。」
「係囉蠍仔,試下先啦！」
我便拿起了藍色球,按片段中的示範打出這球,但是失敗了。

「唔緊要啦阿An,頭幾次都係差d架啦,我地再練下啦！」
如是者我反覆的練習,家姐在後面拍片,阿Cat照舊記錄著我的成績。
終於有一球,我成功了。

但這個方法比較難掌握,而且也可見失敗機會相當高。
Daisy給我拿來一支水,讓我休息一下。
家姐卻很神秘的看著手機,是剛剛給我拍下的影片。

「AnAn你做得幾好呀！」
「係呀阿An！咁你又多左個方法打7,10樽啦！」
「嗯...都練左好耐啦！我地去食野啦！」



我們就離開了球場,到附近一家快餐店火鍋。