今個學年,我多左三個女室友: 23

這幾天下來,我們也沒有特別的活動。畢竟臨近考試,眾人的神經都比較緊張。
有時日間放學我和阿Cat走在一起,她也會拖著我的手,在鬧市中遊蕩,輕鬆一下。
而夜間飯後阿Kay又會躺在我旁邊或是大腿上看電視。
睡覺時Daisy又會要跟我閒聊到夜深。

直至考英文科的前一晚,阿Cat和阿Kay都在房間內,我則如常在客廳看電視。
「AnAn你唔去溫書咩？」Daisy拿著糖水,坐在我旁邊。
「唔啦！聽日就考,我想輕鬆下,唔好咁緊張。」
「哦...咁試下我整既糖水呀！」



她把碗棒到我面前,這碗東西白白的,又似豆腐花,但表面卻比豆腐花來的粗糙。
我接過了碗,嘗了一口。
「Daisy...你又去我書櫃偷野睇呀麻？」
「喂呀AnAn你好衰架,咁快就踢爆人。」

「識咁整雙皮奶係只有姨丈俾我既食譜先做得出,一食就認得出啦！我一路都收埋係書櫃,估唔到你咁醒...」
「咁好無味姐。」
「好味,份食譜緊係好味啦！」
我一路說著便餵她吃,她吃得很滋味。



「AnAn...你知唔知人地一個人去到台灣真係好掛住你架！你地又唔過來探我。」
「咁...咁我要考試架麻...」
「到我返到來,又要等你考埋呢個先有得玩...」
「唔緊要啦！遲下你都會留返係香港架啦！到時大把時間玩啦！」
「嗯！到時我地要去好多好多地方玩,周圍去外國,同唔同地方既朋友一齊玩！」
「好...好...」她那天真的模樣,我摸著她的臉,感覺到她在我身邊,就是她唯一的願望。

明天還要考試,所以也早一點休息。
Daisy也配合我,這晚沒有逼我跟她聊天。
只是她整個人把我攬得很緊,我想轉身也不能。


就這樣,睡到考試天的早上6:45。

Daisy已經稍微鬆開我,我便起床走到廁所梳洗。
正當我在刷牙的時候,有人在外拍著門。
「喂阿An你諗住係到食定係出去食早呀？」
「出去食啦！」
「咩話？聽唔到呀！你講野一舊舊咁既？」

我扭開了廁所門,看見阿Cat已經換好衣服,等我準備好就出發。
「我話出去食呀。」
「哦,咁好啦！你快d啦,阿Kay都換好衫啦！」
我快速的梳洗完便回到房間更衣。可能我的動作太大,驚醒了Daisy。

「AnAn？你走啦？」
「係呀！我地出去食早餐,跟住返去考試。」


「唔...」
她下了床,穿著睡衣的她帶著少許凌亂的長髮,但樣子依然甜美,十分的精神。

她一擁而上,雙手環抱我的腰間,親了在我的雙唇。
「AnAn,記得加油呀！」
「嗯...我會架。」
我也主動吻她的唇,收下她的鼓勵。
換好了衣服我們便走出客廳,穿好鞋子就走了。

我們搭上明哥的車,前往茶餐廳。
但明哥沒有去我們平常光顧的一家,而是去了中環的另一家茶餐廳。

「唔好意思呀少爺,我都係跟鍾太意思辦事架咋。鍾太話想見一見你...你地幾個。」
「好啦！唔該明哥。」
我們走進了茶餐廳,看見母親坐在一張四人卡位旁,揮著手呼喚我們。


我坐在母親旁邊,而阿Cat和阿Kay則坐在對面。

「阿媽,你有事搵我地？」
「做咩呀？依家同個仔食早餐都唔得咩？定係你話阿媽我阻任你地撐檯腳呀？」
「唔係唔係...無咁既意思...你同我食早餐我好開心添。」

不多久,早餐已經一份份的送到,阿Cat的是火腿通粉配蛋治,阿Kay的是雞扒烏冬。
「唔好意思呀！你地兩個份早餐我係問Hailey同Daisy先知你地平時鐘意食咩,所以我先叫架咋。」
「嗯...無錯呀,多謝鐘太！」
「唔好咁見外啦！同Daisy一樣叫雯姨咪得囉。」

而我的那一份....是白粥炒麵。
「阿...阿..老媽子...你咁即...即係...？」
「唉呀衰仔呀！好心你得閒就食清d啦！雖則你有做運動姐,呢排壓力咁大好易肥架！」
「哦...有...有心啦老媽子....」


「唔,乖啦！快d食啦！」

我一路很快很快的吃光那碗白粥,因為我真的討厭吃。
然後再吃那炒麵,我看著阿Cat和阿Kay,她們兩個都露出一點奸笑,似是取笑我也有這樣的弱點。
過不多時大家都吃完了,時間已經是7:50。

「好啦！再唔走我地遲到架啦！」
「咁好啦蠍仔,你記得小心d呀！好好照顧Daisy呀！」
「知道啦媽！電聯啦！」
我們快步登上車,便往試場進發。

無驚無險到達試場,還有15分鐘準備。
兩小時後我們也考完試了,便回到九龍塘逛街。