今個學年,我多左三個女室友: 7

大約11點,Amy回來了。
她經過game房走進來,看到了我在玩,便開了旁邊另一部PS4,也進行GTA online。

「喂你幫我做全福啦！」Amy剛剛上到lv12便急著要試打劫任務。
「好呀,你開左叫我。」
任務開始播完片段,便要開始準備任務。是要到停車場偷車。

「唔好開槍住,先去前面停車,搵好cover。」
阿Cat突然從後指示我們。



「慢慢推上去,唔好急住殺,搵cover比較重要。」
「阿An經驗豐富d,俾佢揸架車,Amy去執哂錢同槍先走。」
「唔好開槍就唔會有通緝。阿An踩盡油走。」

「阿Cat你咁勁既,你睇過game play架？」
Amy驚訝阿Cat有如攻略一樣的指示。

「職業病姐,我一早就睇左人地玩過,係咁fail,結果自己就再睇資料,知道點打咁解。」
「咁你幫埋我地做下個任啦！」
「好。系統限定阿An要做車手,控制人質,對佢依種老江湖來講唔難。問題係Amy,一陣佢會要你入侵電腦系統,玩三關貪食蛇。」



如是者Amy很快便解開了門鎖系統,攻入了保險庫。
「電鑽控制好力度,唔好用盡力,會過熱架,你細力禁制,feel到手制震就夠,左菇慢慢推。」
「鑽完走,阿An開車。」
「唔洗甩警察,直衝過路障去大橋。阿An你識玩架啦。」

的確我是已經完成過一次,所以沒有難度。而且有阿Cat的攻略,Amy得以0失敗完成。

「阿Cat咁勁既,你都有玩架？」
「無架！不過作為戰術分析師,各種主流遊戲同運動我都有研究下咁。頭先你地玩個任,我已經睇左超過20份game play,先總結到一份攻略。」


「咁有阿Cat一齊玩咪輕鬆玩哂5個任囉！多謝阿Cat！」
「未住喎！我淨係寫左頭兩個搶劫任咋。後面三個好少人玩到,未有攻略。」

這幾天我們都一起打電動,生活似乎已經將我們三個融為一體。
直至一個月後,家姐回來了,我們才少了一起玩。
當然,功課是沒有放鬆的。
接下來的一個月,我跟阿Cat很多時都一起研究專題報告的資料。
而Amy則準備著她要開展實習期的功夫。

有一晚,我在窗台上喝著汽水。另一手拿著手機,是Miss Chu給我的訊息。

「阿An,近來生活點呀？讀書得唔得呀？有無偷懶？我地14年度舊生會出來同我地班老師gathering兼再謝師,你得唔得閒來呀？時間係下兩個星期六11月2號,地點再定。」
「到時好多舊同學都會到,佢地仲帶埋男女朋友來。」
「希望到時見到你啦！」



我看著Miss Chu發完訊息後,在線了約5分鐘才下線。

「中學reu但又無女女陪,仲要見返以前既隊友,係幾難受既。」
「偷睇人地訊息咁無品架你。」我回頭一看,是阿Kay。

她依舊是這一個在家的裝扮,只差在還未脫去小背心,不然就只穿上胸圍及短內褲了。

「咁又難怪既,一代ling王,輸俾個大分瓶,真係好挫敗。I know that feel bro。」
「你又知？」
「因為我以前都試過。」

她也提起了汽水罐,喝了一口

「當年我代表學校參加四式四乘二百游泳接力,我地隊有個朵叫小魚仙,我係負責最後一棒自由式既。個時我游到最後50米,翻滾推牆差錯腳,成個人沉左落底,到浮返上面,無左動力,仲由第2變包尾。」



「自從個次之後我無再參加游水比賽,小魚仙都換左人。我upset左好耐,後尾去打保齡,遇上阿Cat,佢係我地既戰術分析師。」

「其實可能係你唔記得,我同你一早已經見過面,當年我地仲係form4。你係8強遇上一個應該係好弱既對手,結果你只係以17分之微贏左。」

「我好似有少少印象,你就係個間學校既代表？」

「無錯,係阿Cat教我地點分配邊個打先打後,配合每球唔同既套路,令我地當時由外圍賽輸波打到入8強,仲差少少入4強添。點知對手係你,咁就輸得抵啦。」

我喝下汽水,繼續看著Miss Chu的訊息。
「去啦！就算無人陪你都要去架啦！唔通人地reu你唔睬人咩。」
「況且你都見唔到Cathy架啦！」
我看一看她,她凝望著維港對岸。

那也是事實,Cathy是不可能出現的。