今個學年,我多左三個女室友: 8

近日電腦維修,未有更新文章,就此深感抱歉「咁等我call俾Amy先。」
「唔洗啦！Amy有著落啦！」

「真架？」
「你真唔知定假唔知架？佢早兩日同我講話搵左你以前班隊友陪佢啦！」
「咁我更加唔洗去啦！」

此時我放下了電話,走到屋內去廁所。回到露台,看到電話仍是Miss Chu的視窗,但多了不少對話
「無問題到時我ok」
「咁好啦！你會唔會打返波呀？遲下會有學界挑戰賽,俾幾間大學既同學代表同學界優秀表現既選手較量喎。」


「好呀！我睇下詳情。」
Miss Chu傳來一張圖片,是挑戰賽的宣傳單張。

「屌你做乜野呀？」
「應承人地去reu囉。」
「我都無話去。」
「咁你依家都無得反口啦！執定套衫準備好過啦！」

我取回電話後便回房間,關上了門。
雖然我很生氣阿Kay她自把自為的替我答應去reu,而且是我剛剛想做卻不敢做的決定。


但後面答應出席挑戰賽,我真的萬分不願,只是現在既然被答應了,就見機推辭了吧。
很快便已經到了宴會前兩天,Amy告訴我地點是觀塘一處會所宴會廳。

「你搵到女partner未呀？」
「你都唔陪我去,咁我一支公去又有咩所謂喎。」
「緊係唔得啦！你假假地都學界男神,你知唔知幾多女仔都假借以前班男同學去依個reu想見你。如果你唔拖一個女女去點鎮得住呀？」
「問題係....我根本無諗過要去。」
「下...但點解你會應承。」

我將當晚跟阿Kay的事告訴Amy


「唉....咁事到如今,都無辦法啦！唯有祝你唔會俾人圍啦！」
「你買左晚禮服未呀？」Amy突然捉著我的手
「我搵個世叔伯幫手應該唔係問題。」
於是我便去到Uncle Perry的西裝店裝備禮服,不消一天已經做好。去晚會的準備也已完成。 很快便已經到星期六,時間是17:45,距離宴會開始尚有15分鐘。
我一人走進宴會廳,看到了很多熟悉的面孔。在遠處,Miss Chu在和細晞,阿J,佩心,阿玲,Amy在談話。
「阿An！快d過來啦！」
「Hi！好耐無見！雨涵呢？」
「佢去左廁所。」看來阿玲的拍擋是雨涵。

「哦....」
「點呀你,讀A&F讀成點呀？」
「咪又係咁！」
「咪玩啦！又hea人。」阿J拍拍我的手臂。

「咁又唔係喎！阿An好似最近份project搞到好勁咁喎！」Amy道出我的近況。


「係喎！唔記得你地依家係室友添！仲有咩新鮮野爆呀？」Amy原來約了阿J。

「阿An！估唔到你真係會來喎！你知唔知好多老師都好掛住你！」是Miss Chu
「係呀！Miss Chu叫到,點會唔來呀！」
「咦？你既partner呢？一陣會有活動,一定要partner架喎！」
「無人同我講過喎！」我望一望眾人,特別是Amy,他們都不想回應。

「阿An？Sorry呀我遲左！」
眾人回頭一看,一個身穿藍黑晚裝的女生慢慢的走近,她的晚裝非常典雅,小露背又帶點透視,戴著一條水晶掛飾頸鏈,在她雪白的肌膚上更顯閃爍。
在她身旁,是另一位著開胸淺藍色晚裝的女生,二人挽著手前來

她們,正是阿Cat和阿Kay。