今個學年,我多左三個女室友: 6

五人同居的生活維持了約兩星期,Amy明顯已經與阿Cat和阿Kay混熟了。
而阿Cat也比起初時少了戒心,開始放膽做回自己。
阿Kay也跟阿Cat一樣開始主動不怕羞。
家姐要跟父親參與商業交流團,與母親一同前往英國一個月。所以住所只剩下我們四人。

我跟阿Cat在客廳用notebook搜集研究資料,Amy則在房內看實況頻道。阿Kay在外返兼職。
「喂阿An今晚做住咁多先啦！你煮飯未？」
「係喎！無左件事,煮麵你地要唔要呀？」
「我無所謂呀！」



「入面加餐蛋唔該！」Amy也真會享受。
「咁你要唔要？」
「唔洗啦！普通一碗就得啦！」

煮三碗麵加一份餐蛋其實並不需多少時間,一會就已經弄好了。
我跟阿Cat在飯廳吃,而Amy則在房間內吃。
「阿An,好味喎,你點煮到浸咁耐都唔淋既？」
「咁你平時點煮？」
「煲水,滾起落麵加蓋等佢鬆開先開蓋打散.....」



「落麵唔好加蓋,落左10秒就要打散,一散哂就熄火上碟。」
「原來係咁....」
往後幾天到我負責晚飯的日子,阿Cat都要我煮一碗麵給她。
這天到阿Cat負責,Amy要到兼職工作,她便嘗試用我教她的方法煮麵。
我在廚房門口看著,她並沒有發現。

「落麵,10秒打散.....」
「熄火上碟....呀！」

她失手跌破了一隻碗,碎片濺在她的腳上,腳背因而割傷。


我立即上前把她拉開,帶她到客廳坐下。同時拿來了藥箱,取出了消毒用品及膠布。

「係咪好痛？你放隻腳上來幫你消毒先。」
「唔好意思呀,仲要你幫我整傷口。」
「好彩係腳背咋,如果上d真係唔知點算。」阿Cat一路說著

「唔該你呀阿An,唔好意思啊。」
「唔緊要啦,最緊要人無事。你坐下啦,入面等我整。」

「咩事呀？哇阿Cat你做咩呀？」阿Kay聽到聲音後出來。
「無事呀！少少意外。」

我在廚房整理好碎片,便將她煮好的麵放在一旁,再煮另一碗給她。
「阿An呀！其實呢有d野唔知應唔應該同你講。」阿Kay走了進來。
「做咩呀？」



「阿Cat佢....自從我識佢咁耐,佢一直都唔會俾男仔掂佢,更加唔會同男仔煮野食,更加唔會煮野俾男仔。」
「你即係話,我改變左佢？」
「可能啦！但無可否認係,你今日一次過打破到佢咁多原則,你已經係佢好重要既人。」

我煮好了麵,便取到飯廳給她們。
「咦？你做咩仲食個碗呀？肯定淋哂啦！」
「唔緊要啦！你快d食啦！」
「Sorry呀阿An,搞到你。」
「家居意外總會有架啦！唔緊要,你無事就得啦！」

這晚阿Cat很早便回到了房間,阿Kay已經睡了,而我則是在game房玩GTA online heist。