DSE點令我由一個毒撚變做player: 16.

我拎住手上面疊通識筆記，只覺對聽日毫無把握。通識希望人地通通都識，但我真係通通都唔識。學校份mock都係預我得3，我冇希望咖啦。於是我訓上張床，打算由呢一刻，即係9.37pm訓到聽朝6.30am先起身，因為個試場都比較近，再加上我有探過路都知係邊。
 
人一唔做野就會開始亂咁諗野，我望住已經熄左既手機，又好有衝動想開翻佢，但我知道我開翻佢一定會忍唔住手係咁禁，聽日唔夠精神寫唔切我就真係輸哂。冇腦都算，速度你都冇點同人砌，我唔想因為ls唔夠分入唔到大學。
 
把心一橫，我決定逼自己入睡。
 
「鈴鈴鈴。。。」都唔知過左幾耐，總之係我差唔多訓著既時候，屋企既電話響起，聲音不大，但足以驚醒我，我有d燥，今次又邊撚個親烕咁唔識做呀。
 
「咯咯。」房門聲響起。
 




我不耐煩地應左句：咩事？
 
「Cyrus，steven話佢有野想問你，但你又熄左電話，所以打左黎屋企，你係咪仲溫梗書呀？我入唔入得黎？」
 
呀媽溫柔既聲線透過房門傳黎，我即刻坐直個身，開翻盞枱燈，希望俾佢覺得我一直有溫書，坐好之後，我答佢：ok呀入黎啦。
 
呀媽推門入到黎見我坐左係度，露出一個欣慰既笑容：咁你地傾一陣啦，溫完早d抖。
 
我接過電話筒：o畏？
 




Seven既聲音好似開始變得陌生：呀峰，我打黎係想問下你聽日係邊度考ls呀，聽日我唔使翻工，考完食餐飯？
 
係喎屌，上次mk淇單野我都未俾答覆佢，如果聽日出去佢又再問咁點，面對面冇得迴避，我又唔知點先可以同佢講我唔想俾mk淇電話佢，唔係幾想令佢難堪。
 
我於是答：我聽日係_____書院考呀。。。。。
 
Seven未等我講完，已經好心急同興奮咁講左句：近我喎！我都係係個區！
 
我停一停再講埋落去：我未講完呀，聽日近我都唔想食啦，因為我想溫書，或者搵過第二日，我怕chur唔切form4 d野。
 




Seven好失望咁講左句：好啦咁。
 
我聽住佢失望既語氣只覺佢好假，佢根本唔係想搵我食飯，借d以利用我幫佢媾女之嘛，真係當我老襯亂咁舞，我冇拍過拖姐，唔代表我真係乜都唔知。於是我急急腳求其搵左句藉口cut佢線：冇咩事我收線先啦，我做梗ls d卷仲計梗時。
 
佢好似feel到我既不耐煩，於是答我：好啦咁，聽日加油啦，我都溫書先。
 
我禁一禁通話結束鍵，感覺到我同seven既兄弟情都有d動搖，可能都好快會結束。