DSE點令我由一個毒撚變做player: 17.

我望住考場既時鐘，額頭上既冷汗不斷落下，個腦開始跟唔上手既速度。
 
Mk淇既樣子又不停係我腦海浮現，我覺得好辛苦，個頭好似就爆咁。點解，點解要而家先黎煩住我。？
 
「時間已到，請停筆。」
 
/
 
我翻到屋企，又開始溫grammar，雖然英文比較遲開考，但我絕不能掉已輕心。
但耐力始終都係唔夠，溫到5點幾左右，我終於忍唔住開左上網。




一開wtsapp，只見mk淇既信息排山倒海咁湧過黎，百幾個msg裹面有50句都係一粒.，其他都係上水未上水未上水未（外加2個嬲既emoji），當然seven都有一兩個。
 
開左wtsapp，我打算覆佢咖，但又唔想一陣我既心情俾佢左右到，種感覺實在是太難受了。於是我又熄翻，出翻去諗住玩轉珠。
 
點知，過左一陣手機又震起上黎，我把心一橫唔睇，因為我覺得係mk淇。
震左幾次之後，手機就冇再震，證明我狠下心腸係有用。
 
點知佢直接打左過黎：o畏。。你覆下我wts好冇呀。。。。。
 
我心諗把聲又咁重鼻音既屌，又搏我同情，又唔開心，想搵我涉時間陪你啦一定，正想cut佢線，佢就話：我好需要你，你陪下我啦好冇。




 
我冇講野，話筒個邊既佢o畏左幾聲之後都冇再出聲，大概係唔理解我呢隻兵點解擅自退伇。
 
我只係覺得呢趟對話好無聊，大家拎住電話筒又唔講野，但要有勇氣主動cut佢線，實在係太難。我講唔出種感受，但個心咁多年黎都未咁拿住拿住過。
 
「我係mk，朗豪坊，我知你一定會黎，因為你唔會掉低我，等到你黎為止。」
 
講完之後，mk淇自己cut左線。
 
究竟佢憑乜覺得自己咁大影響力。我一定唔會出去咖啦今次。




 
屌，講經咩，我已經打開左房門。
 
「我出一出去。」我向住呀媽講。
 
「出一出去？你食唔食飯？」
 
「唔使啦，今晚可能會夜翻，唔好等我。」