【真人真事】當年中七AL，我打左成年天堂二，但我無悔！: 外傳-戰爭與和平

呢件事發生係我離開既期間，一直到呢個故仔面世之後，樹睇完先係skype同我講番。

係亞丁城鎮西側一間盟屋入面，紅樹葉既幹部係到開閉門會議。

咪嚕：「樹，你可唔可以停手，唔好再去補刀？」

補刀係online game既術語，即係捕係練功地方，係玩家打怪果陣，上前對個玩家補幾刀，結果玩家受怪打又同時受你打，必死無疑，完全練唔到level。簡單d講，就係pk，palyer killing既其中一種方式。

樹：「我單方面停有咩用？我係有開分身補刀，但係分身根本冇入紅樹葉，我地完全冇用紅樹葉個名殺人。而家係佢地要針對紅樹葉，搵我地做籍口補我地刀，我停左都唔會有用！」





咪嚕：「兩邊點都要有一邊停先。我地停左，佢地就唔會有籍口殺人，你為我地盟既新手諗下好冇？」

樹：「就係為左盟既新手我先要殺番轉頭，而家挑起戰爭既係佢地，我地唔反擊就只會被食住！」

咪嚕：「咁樣殺來殺去，有咩意思丫？最後只會愈來愈冇人玩，我真係好厭倦。」

暗殺：「係呀，開始互殺之後盟入面真係有好多人冇on過line。」

艾爾：「但係我地真係冇犯規喎。我地已經守晒協定，殺人果陣都係用分身，完全冇帶紅樹葉個名。反而佢地就破壞協議，直接走黎殺紅樹葉既人，我地邊有犯規？做錯咩野？點解係我地停手先？」





樹：「冇錯。而家明顯係理想世界搞事，我地完全冇犯過兩盟既協議。咪嚕你諗清楚，唔好仲諗住同佢地談判議和，根本冇用。」

咪嚕：「我已經同靜心講好左，只要你地肯停手，佢地都自然會停手，唔再殺紅樹葉既人，我唔想再每日都收到盟話呢到被人殺，去到又話你地殺人先，我都冇立場同佢講，你明唔明。」

樹：「呢d和談講左幾多次呀？佢地會守咩？我地用分身殺，佢地就話係我地分身照殺紅樹葉。我地停手，佢咪去殺薰囉，你睇下佢地殺到薰要入我地盟求彼護呀，唔通我唔幫佢！」

咪嚕：「我求下你地。你地真係當我係盟主既話，就讓步停手先，只要有一邊停戰，萬事都可以再商量！但係你地一直互殺，我有咩立場同佢地談判！」

樹：「我都唔想令你難做。我最多最多係唔用果隻，重新開一隻分身殺人。」





咪嚕：「咁樣都解決唔到問題，最終都只係互相補刀，受苦既只係盟內新手！停手先真係咁難咩？」

艾爾：「你咁唔想我地連累血盟，咁我就離盟殺人啦！」

soso：「咪嚕，我忍受唔到被殺都唔還手，辛苦你喇，再見。」


………


我：「就係因為咁？」

樹：「差唔多大概係咁啦，再detail d就唔記得喇。」

我：「GM冇介入咩？玩到咁肯定好多人走架喎。」





樹：「就係GM介入左，所以先set番城鎮做安全區冇得打人，如果唔係殺得仲勁呀。」

我：「唉……真係好事多為。」