《妳做咩將成碗譚仔倒落我個頭上面！？》: 第三章(下)

 
        「我知道你一定唔會中意阿風既！」
        「你又知？但係我應承左佢喇WO。」
 
        「下！？咁我點算呀~~~」
        「無架喇，做一世毒男啦你！再唔係……搵過第二個女仔啦！」
 
        「唔要啊，我淨係要你。」
        「車都唔知係咪真既~~~」
 


        「王妙娜，我愛你。」
        「你……做咩呀？」
 
        「我好想照顧你，令你每一日都笑得最燦爛。」
        「唔好玩啦都唔好笑……」
 
        「我認真架。做我女朋友啊，好無？」
        「你真係唔好玩我……我……會當真架……」
 
        「我司徒珞對天發誓，你係我現在、未來最愛既女人。」


        「我……我……」
 
        「你做咩眼濕濕啊傻妹？唔好嚇我WO，有無咁感動！」
        「邊有人表白個陣仲搞GAG架，咩氣氛都俾你破壞晒！」
 
        「唔怕啦，只要你係我身邊，你幾時想要『氣氛』都得啦！」
        「哼！邊有話要係你身邊WO，衰人！」
 
        「嗚嗚嗚……咁即係唔應承？」
        「你要頂得順我先好WO，你知我易笑易喊、成日亂諗野、好多好多缺點……」


 
        「你覺得我識左你咁耐仲唔了解你咩！你又姿整啦、又懶訓啦、訓覺個樣又衰啦……」
        「喂喂喂做咩變左踩我架！你唔係表白架咩哼！」
 
        「我都未講完。」
 
        「我想講既係，你既缺點就算有幾多都好，我都係咁中意。        因為，咁先係我認識、我欣賞、我中意、我喜愛既王妙娜。」
        「衰人……我唔理你啊，你搞到我喊，要負責架！   快D陪你女朋友，我，去食糖水賠償！」
 
        「嘻嘻！！遵命！」
 








        『每一段感情的開始總是美好的。』