[教畜]私補通常都會補上床: 1.9

DSE 迫在眉睫，Charlotte 也放了study leave。今天，她上午剛考完口試，下午便馬上回家補習。

「今日考成點？」我問Charlotte。

「都OK 呀，不過無出到看法題，等我仲練左咁耐。」Charlotte 顯得游刃有餘。

「通常考口試既partner 到時筆試會坐你附近。」

「咁就大獲啦。」Charlotte 笑著說。



「點解大獲？」我嚇到了。

「有個男仔問我拎電話，我又比左你number 佢。」Charlotte 奸笑。

我忍著不笑，裝作一臉正經地向她舉起姆指，然後把past paper拿出，開始指導Charlotte 答題技巧。

「你搵到part time 未？」我問。

「搵到啦，係調景嶺賣奶茶。」



「咁快？幾時返工？」

「早幾日先打黎話請我咋嘛，應該下星期一開始返工。」

「咁你打算返幾多日？」

「唔知呀，大概要返五日左右掛。」Charlotte 說。

還有兩星期就考試，如果她把時間都浪費在兼職上，那就真的太可惜了。我能怎麼幫她呢？直接給她錢，她一定拒絕的。



「咁你放工時間要即刻溫書啦，仲有，考之前果兩日一定唔好返工呀！」我皺起眉頭。

「唯有係咁啦。哈哈，唔洗擔心我喎，我咁叻一定兼顧到。」Charlotte 仍能展出天使般的笑容。

補習結束後，我走出Charlotte的房間，憂心忡忡地走到洗手間排出身體多餘的水份。

「好呀，H 房啲按金......」管理員大媽似乎正與誰通電話。

我一聽到H 房，馬上豎起耳朵，細心聆聽。

「過去你戶口得嗎？我抄低先，012.........」

看來是Charlotte 的媽媽要拿回劏房的按金。Charlotte 怎麼可能現在拿一筆錢出來作按金呢？

我手也沒來得及洗，只拉好褲鏈，便走出外面找大媽。



「咦，靚仔，走啦？ 」大媽對我笑。

「走架啦，係呢呀姐，頭先講咩H 房呀？」我問大媽。

「頭先H 房個妹妹屋企人打黎，話佢就快搬走，想拎返走按金，叫我過數比佢地喎。」大媽有點失落。

果然不出我所料，Charlotte 的家人果真狠下心腸要逼她搬回去。我腦筋一轉，對大媽說：

「係咩，我聽個女仔講住得好開心喎，你繼續租比佢啦。」

「我都想繼續租比佢呀，佢又靜，又乾淨，唔似得隔離D 麻甩佬咁。但係我做生意無理由唔收錢架嘛。」

「按金幾錢？我幫佢出，同埋幫佢比多兩個月租，不過你可唔可以幫我一個忙？」我說。



大媽聽到Charlotte 能繼續住下去，馬上眉飛色舞，連忙握著我的手，點頭示好。糟了我剛才沒洗手。

「唔好同佢講按金係我比。仲有，你話係你見佢考公開試辛苦，所以免佢兩個月租。」

大媽既有錢收，又能當個為善最樂的三峽好人，哪有不答應的道理？

晚上我正忙於溫習學校的中期試，突然電話傳來一個陌生訊息：

「一號同學你好！我係三號同學呀！」

一定是今天Charlotte 的同場考生吧。

我童心忽起，回應他：「下？我係二號仔喎。」

「咩料？唔係一號妹咩？」



「我問條八婆拎電話，佢比左五號仔電話我。」我一邊笑一邊回覆。

突然傳來Charlotte 的訊息：

「喂Sony 哥哥！我同你講D 野丫！」

我隨手封鎖那個男考生。然後打開與Charlotte Whatsapp 的頁面。

「好呀，做咩事？」我說。

「管理員姨姨話見我考試，免我兩個月租(心心眼)」

我微笑一下，然後回覆：



「咁你呢兩個月可以返少D 工啦。」

「係呀，應該淨係返兩三日囉。」Charlotte 回應。

「不如下星期開始我同你補一至五啦，反正仲有兩星期就考。」

「好呀(心心眼)。」