[教畜]私補通常都會補上床: 1.10

於是，我便連續兩個星期，一面替Charlotte 補習，一邊吐血地溫習學校的中期試。這時期每天一放學就會到深水埗補習，晚上回到家就瘋狂溫習，過得相當充實。

「拿，下星期一就開考，今個星期要地獄式特訓架啦。」我對Charlotte 說。

「無問題。」Charlotte 打了一個呵欠。

「未訓夠咩？」我問。

「琴晚返工，有D 攰姐。」Charlotte 雙眼也有些血絲。



「返到好夜咩？」

「係呀，十一點幾先同個同事走。」

「係喎，你識左D 咩新同事呀？」

要是有人欺負Charlotte ，我鐵定不會放過他。所以現在要記下她同事的名字。

「個個都大過我呀啲同事，有兩個女仔，一個叫Katy ，一個叫Polly。 」



「靚唔靚架佢兩個？」聽到兩個也是女同事後，馬上放心了一下。

「Katy 就有D mk，Polly 就斯文好多，不過兩個都有男朋友架啦喎。Sony 哥哥，你無行架啦。」Charlotte 恥笑我。

我才不管她們有沒有男朋友，只是隨口問問而已。

「咁可惜呀，咁你琴晚同邊個走呀？」我又問。

「同負責沖奶茶個奶茶仔囉，佢講野好搞笑架。」Charlotte 一提起奶茶仔，眼神馬上炯炯有神。



男生？竟然有男同事？

「佢又住深水埗架？」我問。

「唔係呀，佢住九龍塘，不過佢話夜，就送到我返樓下囉。」

心中有種強烈的不安。

「哦......快D 做埋份筆記啦。」相對無言，只好扯開話題。並安慰自己，事情不會總向壞處發展。

我不停地思考，到底奶茶仔到底是什麼人呢？到底他有什麼企圖？看樣子應該是想接近Charlotte 吧。Charlotte 那麼可愛，有人追也是正常，但到底奶茶仔的性格、背景，是怎樣的呢？我完全沒有頭緒。

這星期以來，雖然每天也能看到Charlotte 的臉容，而我亦以為是幸福的開始，但原來，噩夢正一步一步包圍著我。

「跟住呢，個奶茶仔就同個客講，先生你杯奶茶呢......」Charlotte 興高采烈地談論早兩天在奶茶店新認識的同事。



「呢個幾日你都係咁提起奶茶仔，奶茶仔咁喎。」我聽到有點煩。

「佢好幽默架，成日講好多白痴野。上次將紅茶同綠茶溝埋比個客飲，個客一飲竟然話正......」Charlotte 繼續分享奶茶仔的故事。

「夠啦，唔好再講。我要返去啦。」 我收拾東西。

「咁早既今日？」Charlotte 有點驚訝。

「係，我有mid term 要溫，你做好份作業啦。」

「咁好啦，byebye Sony 哥哥。」Charlotte 微笑揮手。

回家的路程中，心中總有種極難受的感覺。本想看看窗外的風景平伏心情，但心中始終惦記著Charlotte 的事。是我想多了嗎？奶茶仔這個人真的讓我好在意。徹夜難眠，想的也是Charlotte 與奶茶仔。