浮事的，一個的士佬既故事。: 第二章 奧穌利雲的比喻

時光不等人，轉眼又一個星期六。 

”你今日黎唔黎睇我呀？”呀風一邊載著乘客去旺角，一邊whatsapp問芝琪。 

這舉動明顯讓坐在後座的乘客有所不滿。 

”唔去啦，費事一陣又好似上次咁驚險，同埋我話左無下次。”芝琪回覆 

”Ok。今晚賽完搵你食糖水？”風真的很想見到芝琪。 





”嗯，電聯啦，最多等到你四點。我聽日中午二點要去老人院做義工，你都係。”芝琪不停傳送 "你都係" 

三個字至呀風的手機。令呀風不禁失笑，回覆道”好，你話點未點囉。” 

”你今晚賽車小心d。”芝琪說。呀風感到一陣暖意湧上心頭。 

”嗯，放心。除非係我唔集中精神，自己失準，如果唔係，無人可以快得過我！”風回應。 


”喂！司機，你揸車揸好少少啦好嘛。有無牌架你？隔離架巴士都快過你啦，咁我不如去坐巴士啦！一路 





揸車一路玩手機，揸車望條路架嘛。一係你落車等我揸啦，等我教下你點揸車啦，仆街！”乘客連珠爆發 

地罵著。 

呀風一邊回答乘客”先生，你有無見過奧穌利雲篤波要瞄架？”一邊繼續whatsapp芝琪”我而家要揸車 

啦，陣間再傾。” 

”奧穌利雲篤波點會唔洗瞄呀，九唔搭八，揸快小小啦唔該你。”乘客繼續咀上不饒人。 





呀風徐徐關上電話螢幕，把頭轉向後座，右腳慢慢踏深油門，說”其實佢係扮瞄架渣，傻仔。真係要瞄既 

邊有可能咁快打鋪147呢？” 

”望前面呀司機！！！”乘客驚慌地叫道。 

呀風把頭轉回前面，一腳地板油，推背的感覺令乘客不禁大叫出來”呀！！！慢d丫司機，太快啦！！！ 

好危臉呀！！！” 

”啱一半，係好危險，但其實一d都唔快。”風說。 

”司機，你冷靜d。頭先我語氣重左小小，係我唔啱，對唔住。”乘客求饒道。 





”太遲啦！！！！！！因為我已經集中精神啦！！！！” 

三分鐘後，到達目的地，乘客帶著難以置信的神情下車：”我......我仲存在？” 

”嗯，係咪有所頓悟呢？拎兩舊水黎啦快d。”風指著顯示為148.6元的咪錶說。 

”哦......哦，唔該晒司機。”乘客拿出二張一百蚊紙交予呀風。 

”嗯，你走得啦。”風把後座乘客位的門打開，並一邊whatsapp芝琪”得啦，個客落左車啦。” 

”咁快？短途客都有本事上到你風哥車？靚女黎架？”芝琪回覆。

”當然唔係啦，個婆婆行動唔方便，我咪街頭送佢返街尾囉。”風一邊打，一邊竊笑。 

”風，原來你咁好人架！好人會有好報架！”芝琪用錄音把這段說話傳送給呀風。聽到芝琪真誠讚美自己 





的聲音，令呀風不禁有點內疚。 

”係呀，因為個婆婆同你好似樣架！又係肥肥矮矮，成粒馬蹄咁。”風胡混過去。 

”哼，唔彩你呀！”芝琪失笑地回覆。