浮事的，一個的士佬既故事。: 第二章 閒聊

及後，呀風和芝琪每日都通訊。在言談間，呀風明白到芝琪是一位完美如天使的女子。她除了善於打保齡

球外，亦是鋼琴演奏級的音樂才女。她閒時會到社區中心當義工，現時任職於中環的寫字樓……等等。要

數她的缺點的話，大概是她的腦筋怪怪，心思常常不知飛到那裡去了。而且也有點人格分裂，平常總之呆

呆的，但只要有談及保齡球或音樂，就會變得很認真，也很專業。還有，她的讀書成績不好，會考只得十

分。





而芝琪亦對呀風的認識加深了很多，不再止於 “他的車很快”這種程度。當她聽到呀風是一名大學畢業生的

時候，她簡直覺得難以置信。

“呃……你大學畢業？”芝琪問。

“Of course ! Shitty University of Hong Kong，in the major of applied social science!”呀風用一口流利的英

語回答，用行動展示他大學生的水平。 “只不過我讀果科實在幫唔到我搵工，加上我又由細到大都好鐘意





揸車，結果咪索性走去揸的士囉。其實係的士界有好多人學歷仲高過我，好似之前上晒報紙果個非禮醉娃

既的士司機，佢係IT碩士添呀。果時我同佢一齊拍住搵食，佢同我呻到樹葉都落埋，話自己堂堂一個碩

士，讀咁多書，都要走去揸的士，條氣好唔順。所以就走去做D普通碩士生做唔到既野，就係一邊揸的士

一邊揸波。唔好意思，希望你能原諒我的粗鄙用詞。”

“呃……你之前同佢拍住一齊搵食？即係佢揸完Ｄ女就比你揸？”芝琪完全不介意用詞粗鄙。





“當然唔係啦，我堂堂一個Shitty U畢業既學生點會做埋呢Ｄ野。果時我同佢一齊揸架車落去Ｄ酒吧街，佢

就專搵醉娃，我就專搵醉鬼。”風說。

“呃……你男女通殺架？”芝琪疑惑地說。

“......當然唔係啦。我專車果Ｄ飲大左既外國人，你知佢地飲大左之後成日都係度好大動作咁揮手揮腳架

啦，佢地成日都會跌晒Ｄ電話係架車度架。我果時最勁試過一車車三個鬼佬返赤柱，之後執到三部電話同

一部電子手帳。”風說。

“呃……咁都得呀？你都幾無良架喎……”芝琪道。

“我唔算無良啦，我總算真係送到佢地返目的地丫。電話果Ｄ係佢地自己唔好好保管財物姐。”呀風愈說愈





興奮：”我有個同事仲衰呀。佢叫阿牛，佢呢，就日日都係天水圍交更既。有一次就黎夠鍾交更，但係尖

沙咀有一家四口外國自由行截佢車，話要去Ocean Park，佢就扮晒野一下就衝左去Wetland Park。人地

不停係度What the Fuck。佢就扮聽唔明，淨係Say Sorry，仲同人講 Many things to play here ga, a lot of slide show ar咁喎。

咁人地吹佢唔漲，唯有落車啦。人地比張一千蚊佢找，佢就找返八張紅衫魚比人，但其實果Ｄ一百蚊紙就全部

台幣黎既。你話我算衰唔衰啦？”呀風反問芝琪。

“呃……咁比較起上黎你直頭係良心車長添啦。”芝琪說

“當然啦！By the way你今日呢通電話已經 “呃” 左好多次啦，請你留意一下。”呀風故作正經地說。





“Sorry……一時無留意，嘻” 芝琪說。

“丫，仲笑？”風回答道。

就這樣每日閒聊著，兩人的感情就伴隨著日子日益增長。