浮事的，一個的士佬既故事。: 第三章　遇見了你

星期六晚上，老地方。

“咦，今晚咁小人既？”風問史哥。

“唉，上次殺人王走去報警，玩到咁串仲邊有人黎丫。加上你次次都贏人九條街，係人都知你贏硬既。再

鋒利既刀，次次都耍同一招，幾勁都好都總有沉悶既一日啦。”史哥說：”你話如果你得閒輸返一兩場就好

啦。”史哥試探著。





“史哥，有Ｄ野我都控制唔黎。上到車我就會將架車揸到最快，對唔住。”風堅決地回應 “不如你試下搵Ｄ

勁少少既車手黎啦。”

“喂喂喂，唔洗道歉咁嚴重既，我又唔係要你造假，我呻下姐。”史哥立即回應道 “之不過你自己都覺得人

少左好多渣嘛。”

“唉，希望今晚個對手會勁Ｄ啦。”風望著已經坐在車箱中的對手輕聲說。





呀風瞄一下車箱內的司機，可他不知道那一瞄，將會令他的人生徹底改變。

車內的是一個女人，一個完美的女人，一件明顯上帝花了特別多心思創造出來的藝術品。她上身穿了一件

tube top，配襯著一條超短熱褲；一頭不長也不短的金頭髮和釘了六個耳環的左耳。

但庸俗的打扮並沒有令她沾上半分庸俗的氣質。一塊小圓臉配上精緻的五官，令她能完全免疫於MK妹一

詞 ------ 縱然她一身MK妹的打扮。





“佢叫恩雅，跑開山路既。佢平時都有去參加大帽山果Ｄ大皮既，今日專登黎挑戰你。”史哥說 “佢手車好

過好多男人，唔想輸就唔好輕敵。今晚現場好多都係佢Fan屎黎架。”

“賽道：屯門入元朗Ｂ仔涼粉，賽程：超短途，開賽時間：晚上十一時半”史哥簡短地把今晚的資料告訴呀

風 “使用賽車：1300cc五速棍波小福星”