大學可以幹的事很多，但不包括走堂: 學生沒有選擇試場的權力，只有全力以赴的義務

〈8: 55〉Shirley：早晨。
〈8: 55〉Kevin：早晨，一切如常？
〈8: 58〉Shirley：同平時一樣，我而家食緊早餐，好耐未試過咁休閒既星期一，走堂好似都唔錯。
〈8: 58〉Kevin：Tommy呢？佢唔通仲未起身？
〈9: 00〉Ron：Tommy！！！
〈9: 07〉Tommy：早晨呀咁多位。
〈9: 08〉Ron：終於肯起身拿，說好的每五分鐘訊息呢？
〈9: 10〉Tommy：講得出實唔走數，平時我都係差唔多時候先起身，住Hall洗鬼咁早咩。
〈9: 12〉Tommy：平安。
〈9: 13〉Shirley：呢度都好平安，我房友岩岩出左門，淨番我一個係房。




〈9: 17〉Tommy：平安。

入到課室，我的視線仍然放在手機的螢光幕上，只靠著記憶行到第一排椅子坐下。我怕慎防一不留神，就會錯過了甚麼。

〈9: 22〉Tommy：平安。
〈9: 24〉Shirley：仍然乜事都冇，你地個邊係咪就黎開始。
〈9: 26〉Hazel：係啊，Professor King岩岩入左黎，佢個樣好頹。
〈9: 27〉Tommy：平安。
〈9: 27〉Kevin：數過一次，課室得番14人，好冷清，同開學個陣差好遠。
〈9: 29〉Shirley：仲有一分鐘我就走左人生第一次堂喇，哈哈。





九時三十分！

看到課室內的掛鐘跑到九時三十分，我的視線不自覺地往課室門口移去，剛好看到黑子踏了進來。

幹，現在才不是看黑子的時候，Tommy和Shirley那邊怎麼樣，一切還好嗎？

〈9: 30〉Ivy：那影張相比你兩個睇，你兩個真係唔係呢度。
〈9: 33〉Ron：Tommy你遲左報平安喎。
〈9: 33〉Kevin：Shirley仲係唔係度？




〈9: 34〉Ron：喂喂，咪夾埋黎玩野喎你兩個。
〈9: 35〉Hazel：應下我地啦。

他們突然消失了，或者退一步來說，我們和他們失去了聯絡，無法得知他們倆的處境。

我們四人加速了打字的速度，由九時三十分開始就低著頭，只顧著用手機溝通〈正面討論實在囂張，我們要保持一貫的低調〉，完全沒有理會正前方的Professor King。

〈9: 36〉Ivy：佢地係咪已經唔係度，打比佢地接通左但冇人接聽。
〈9: 37〉Hazel：Ron你真係講中左。
〈9: 39〉Ron：係，而家至少可以肯定走堂係去「另一個世界」既辦法。
〈9: 40〉Kevin：佢地會去左同一個世界，定係會再有所謂「第三個世界」？
〈9: 42〉Ron：答你唔到，黎緊只有希望Shirley同埋Tommy番黎之後可以提供更多資料比我地。
〈9:42〉Kevin：惟有係咁。

持平的說，Shirley算是我們組，甚至全班26人中對化學最有熱誠的freshmen。





之前的化學課，Shirley每分每秒都在聆聽著教授的解釋，不時轉動兩、三次手上的原子筆，沉思一會後，就將自己的見解化作筆記抄下。化學課缺少了Shirley，終究是不能承受之重。

事情看來有了進展，但太空人踏出人類的一小步後，就卻步了，再行不出下一步。

找到調查的方向只是煙幕，卻引申出大量問號。

〈9: 50〉Ivy：點解得我地呢班有事，全校、全世界咁多大學生，點解偏偏係我地班打開左呢個時空裂縫？
〈9: 55〉Ron：會唔會關讀化學事？
〈9: 56〉Kevin：係都關物理事先啦，量子力學嘛，好似係。

帶著一堆疑惑去上課完全不是味兒，教授說的話一句也聽不入耳，整日來我想了很多可能性，但都矛盾百出，發生的機率猶如上帝在擲骰子。

時間過得很慢還是過了。終於，收到他們的訊息。





〈18: 02〉Shirley：各位。
〈18: 04〉Hazel：終於收到你地既回覆喇，好感動，我地有好多好多野想問你地。

Ron立即打電話給Shirley，這次終於有人接聽。Ron轉到揚聲器模式，讓我們都能聽見Shirley的聲音。

性子急的Ron一開口第一句就問道：「做乜唔覆whatsapp啊？」

「我覆唔到你地。」

「咁都正常丫，照道理平行時空係唔會收到電波。」

Shirley用著比平時快的語速回應道：「唔係，個感覺唔係咁，我一直都好想搵辦法聯絡你地，但我聯絡到你地既時候已經六點。」

「下，你講緊乜野，可唔可以清楚少少。」我被她的說話弄得一頭霧水。





「我知我可能表達得唔好，我由頭講起啦，九點半我去左上Professor King既堂，順便咁緊係上埋星期一既通識堂，完左之後番Hall就搵到你地喇。」她的語速依然急速，好像想令我們理解甚麼，卻因為詞窮的關係無法表達。

「咪住先，咁點解你唔係上堂既時候搵？我地係堂上不停咁搵你。」我問道。

「所以我覺得個感覺古古怪怪咁，好難形容，明明好想搵你地，但就要去到六點先搵到，事實就係咁奇怪。」

後來Tommy向我們報平安，我們和他討論到這個問題。

「係啊，我都有呢種好唔自在既感覺。」Tommy的聲音從電話中發出：「之前我咪話我係同緊你地上堂既，後尾我想上堂個陣同你地傾計，踢爆你地屈我走堂，但係最尾都做唔到。」

「你明唔明尋晚佢兩個講既野？」我問Hazel。

「唔明啊，佢地兩個當時人都肯定唔到既野，我地呢啲旁觀者就更加之難理解。」

我和Hazel又在上通識課，不過課堂的內容已不再重要。





「回想起黎，我地簡呢條路究竟有冇錯呢？雖則我地都冇後悔作出呢個決定。」我反覆想過這個問題不下十次。

「我覺得方向係正確，應該係類似平行時空既空間帶走左佢兩個。我地只係捉到鹿唔識脫角。」

「不過唔好再搵人去試走堂喇。」Hazel補充道。

「係，我已經唔想再有人再上唔到Professor King 既堂。」

我們兩人互望著對方，不小心脫口而出了一句：「Professor King！」

或許我們兩人一起疊聲的關係，聲音比聊天時大了好幾倍，令到前數排的同學都轉過頭來，用著疑惑且不滿的眼神看著我們，就像說：「你兩個做乜X野咁X嘈。」

尷尬過後，我想了想，搖頭道：「唔會係佢。」

「你又知？可能佢識創造一個平行時空呢，你唔可以否定任何可能性架喎。」

「我之前咪比過佢照肺既，Professor King根本同所有教授一樣，係一個唔鍾意啲學生走佢堂既人，無理由仲設法阻止學生去上堂。」

「可惜可惜，今次行動得到的遠遠不及失去的。」Hazel歎息。

就如之前我作的比喻，儘管我們踏出了重要的一步，但就無法再前進了。事情膠著的時候，相對地時間會流逝得很快，轉眼間已經來到10月25日的中期試。

順帶一提，課室的人數仍然有減無增。慶幸的是，我想大家也開始感覺事情有點麻煩，不再亂來，走堂的人有放緩的跡象，最後在Mid-term前的一星期10月22日還有13人去上課，包括：

一路向北：3 人〈這組喊完口號後就像洩了氣的氣球，人數沒了一半，比我們組還少〉
二世祖：4人 〈我、Ron、Hazel、Ivy〉
三國殺：3 人
四唔斷氣：2 人〈仲有兩個死唔斷氣…〉

以及無法得知是哪一組的黑子。


「好…好齊人，發生左咩事？我係咪發緊夢？」這是我推開門，進入課室後的第一個感覺。

所謂中期試，又稱Mid-Term，是大學生不能不認識的術語。中期試通常都在十月中筍左右進行，用來考核學生前半學段所學。

因為中期試普遍都佔該科的20% - 40%不等，缺席了中期試，等同於100米短跑先讓其他對手兩秒才起跑，即使你是保特，也鞭長莫及吧。基於這種原因，大多數久久未露面的同學，會在這一天被迫「上水」。

中期試當天用了一間較大的課室，坐位的排列亦由橫排變成直排。我來到的時候課室已有不少人，有的靜靜的在溫習，有的數個圍在一起談天，粗略估計也有差不多廿人，與10月22日的課堂比較，人數差天共地。

LOL孖寶、筆記三子、Tommy、Shirley……

大家也回來了。

「二世祖」五人自成一角，好像在討論甚麼。我迅速找到我考試的坐位，放下背包後，也和他們圍在一起。

第一句聽到坐在桌上的Ron道：「係咪因為呢一日唔係正式既課堂，所以所謂既『時空之門』冇打開到？」

Hazel接著說：「如果真係咁，我覺得呢件事好大機會係人為。」

我半說笑的插了一句：「咁個個人都幾好心，好關心我地既GPA。」然後又道：「Tommy、Shirley你地有冇發覺到同平時上堂個陣有咩唔同？」

Tommy首先道：「頭先Ron都有問到，不過你唔係度，而家講多次啦。呢日好似熱鬧左，好真實，大概係呢種感覺。Shirley，對不對？」

「係，番番黎冇咁孤獨，之前上堂好似總是自己一個人，咩都做唔到，今日可以見到大家真係好。」

這件事若果就此結束了當然是最好的狀況，至少我們再不會有人因為走堂而離奇失蹤，至於還沒有解釋的迷團，就算吧，世界上稀奇古怪的事太多，多一件也沒甚麼大不了。

若果這天不是結束，那麻煩就大了。下週一上課他們還會消失嗎？之後還可不可以打開那道「時空之門」？最重要的是，這件事何時才會結束，待我們全都消失的時候嗎？

若果背後有人操控著此事的話，為甚麼是我們？我們走堂關他屁事啊？他的目的是甚麼？他是如何製造時空的？

又如果……

糟糕，還有不到半小時的時間就完卷，想得太久了。