自修室，學界既蘭桂坊: 76

嘭!!!!!
「車厘龜!!!!!!!!」

我睜開雙眼，我無事…我無俾架小巴撞到。
但…架小巴呢?

喺我前方乜嘢都無，就只有一條空空嘅道路。
我第一樣感覺到嘅嘢係，有人攬住我，係Jojo。
「你係咪傻架!!!嚇死我啦!!嗚….」Jojo哭著道。





雖然Jojo攬住我係一件好值得高興嘅事，但我未得閒理佢住。
我無事啦!!!!的士佬你去咗邊?

「屌個靚仔係咪痴咗線呀，咁樣衝出馬路都有嘅，嚇到我呀。」
係呢個tone啦，係咪你呀的士佬?

我望過去小冬巴入面嗰個司機位，唔係佢，之不過喺個小巴司機側邊，有個人同個小巴司機一齊扶住個軑盤。

「唔好怪佢。」的士佬道。





的士佬!!!!!!

的士佬慢慢走落車，走到去我前面，我笑住咁望住佢，你終於返嚟啦。
「仆街仔!!!你係咪傻咗呀，咁樣走出馬路，你死咗咁…」

「阿賢!!!!!!!!!!!!!」
老闆娘呢一叫，成個世界都好似靜止咗。

愛著你 掛念你
你便會前來和我接近




心也哭 心亦笑
有著你從沒半點缺少

這是你 再望你
怎會猜想這夢會變真
你是這樣會來 情景真可愛
再令我 心裡得興奮
的士佬轉過頭，望向老闆娘嘅方向，當佢望到老闆娘嘅時候，佢…目瞪口呆。
「阿欣…阿欣…你叫我?你真係叫我!?」

老闆娘企喺路口，雙手合十放喺心口，一邊喺度喊。

「阿欣!!!!」的士佬二話不說就衝咗過去，一手抱住老闆娘。
「阿欣!!!對唔住呀!!!」的士佬都哭著道。





相信呢個對唔住，當中一定有住千言萬語喺入面。

「阿賢，你終於肯返嚟啦咩…?」老闆娘道。
「對唔住…你…可唔可以原諒我…」
「仲講啲咩原諒唔原諒…你應承我…以後唔好再走，得唔得?」
「嗚…」的士佬沒有答話，只係繼續緊緊咁攬住老闆娘。

「好感動呀…」Jojo鬆開手拎轉頭，我同佢一齊望住佢地兩個。
「係…真係好感動。」我望住佢地相擁呢個咁感人嘅畫面，我都不自覺咁流咗馬尿。

望住的士佬同老闆娘佢地兩個，回憶佢地聚散離別嘅故事，我同我身邊嘅Jojo都有著一個同樣嘅故事。

的士佬嘅故事有一個好嘅結局，我都想我同Jojo有個好嘅結局。

的士佬鬆開手，拖住老闆娘，一齊望過嚟我地呢邊。




「細路，多謝你呀!!!」

我第一次見到的士佬笑得咁開心，同佢以前個含春痴線嘅形象好唔同，佢依家係一個負責任嘅好老公。

原來，我都不自覺咁拖住咗Jojo。
我地兩對人喺馬路同街口對望，形成一個對稱嘅畫面。
我望住佢地兩個，佢地兩個就好似老咗嘅我同Jojo。

「唔洗多謝!!你地一定要幸福呀!!!」我大叫。
「唔洗你講，一定會!!你地都係呀!!」的士佬大叫回敬。

的士佬同老闆娘相視而笑，然後佢就拖住老闆娘，慢慢離開。
望住佢地漸漸縮小嘅背影，一對老夫老妻，佢地個背影好幸福。
今次係我第一次覺得自己俾到幸福人。





原來，幸福一直都喺我手裡，只係睇你捉唔捉得緊姐。
我依家就係捉住Jojo隻手!!!

我話過我要俾幸福所有人，啱啱我俾完的士佬，依家，我就要俾幸福呢個對我最重要嘅人!

「太好啦，大團圓結局…」Jojo一邊抹乾自己嘅眼淚一邊講。
「Jojo…」
「做咩呀?」
「我都會俾幸福你架。」
「咩呀…你講咩呀?」
「我話…我要俾幸福你呀!!!!」

我拎轉身，捉住埋Jojo另一隻手，我嘅雙手包住佢嘅雙手，我望住佢雙眼。
「俾機會我，俾機會我俾幸福你吖。」





Jojo dup低個頭，尷尬地笑咗笑。
「你講咩呀，唔明呀。」
「我鍾意你呀，你可唔可以做我女朋友呀!!!!!」我毫不猶豫就大叫咗出嚟。



https://youtu.be/C43x3Tz01ek?t=3m21s