自修室，學界既蘭桂坊: 60

五月二十日，我地五個就一齊搭飛機前往台灣。今次係我第一次同朋友去旅行。
對上一次去旅行，已經係我小三嘅時候，所以我對去旅行嘅記憶已經好模糊，當飛機起飛嘅時候，我地幾個都好似細佬仔咁，又望出窗又噤耳仔。

原先諗住搭飛機要搭一段時間，諗住瞓陣，點知，眨個眼就到咗台灣。
去酒店放低哂啲嘢之後，我地就即刻去玩，第一站，我地就去最多人嘅西門町。

睇旅遊書嘅時候，Shirley佢地見到呢個地方個感覺最潮最熱鬧，第一時間就揀咗呢度。
我同肥鈞都無咩所謂，反正呢度好似幾多嘢食。
之不過，當我同肥鈞真正嚟度呢度嘅時候，我地就後悔了。
佢地三個女仔，咗行右行，呢度有好多潮鋪，佢地見一間入一間，我同肥鈞對時裝都無咩興趣，要陪住佢地喺呢度行街，自己又無嘢睇，好鬼痛苦。





最大問題係，依家嘅台灣好撚熱，行嚟行去行到我同肥鈞都出哂水。
過咗一陣，我地終於頂唔順，叫佢地自己睇，我地就走去搵下嘢食。

我地去到呢度最出名嘅阿宗麵線，一人叫咗一碗，好食係幾好食，之不過喺咁熱嘅情況下食住呢啲熱嘢，其實唔係幾開胃。

反而令到我地開胃嘅係條街上面嘅台妹，個個都熱褲長腿大波，雖然個打扮好MK，但好撚正。

我同肥鈞一邊搵嘢食一邊昅女，好快就到黃昏，搵返Shirley佢地，佢地已經一堆戰利品，佢地就好似玩得玩得好開心。





去旅行第一日，等我仲咁鬼期待，但個感覺其實同喺MK行一日無乜分別。

返去酒店放好哂啲嘢之後，我地又再出發，照住行程，夜晚就係去士林夜市。

又係食食食，蚵仔煎，豪大大雞排咁，啲女仔又細食，一食唔哂就質俾我食，我開始有啲後悔，我周不時喺肥鈞後面細細聲屌佢，點解當初要揀去台灣，食到成個肚脹哂嘅佢都心甘情願俾我屌，無諗過反駁，佢應該都好想屌自己。

結果搞咗成日都係食同行，原來同Frd去旅行就係咁咋?嗚呀，好悶呀。







好頹咁就返咗酒店，行咗成日，成身黐粒粒，我地就即刻沖涼。
我同肥鈞同房，三個女仔就一間房，我同肥鈞用咗十幾分鐘就沖好哂，坐喺間房到hea，喺度睇電視，睇到tvb，睇到康熙來了，睇到…AV台。

終於搵到嚟旅行嘅第一樣有趣嘢，我同肥鈞都心甘甘喺度睇咸片，睇睇下，我突然醒起。

「喂，肥鈞，點解我地咁撚蠢，喺度睇AV，明明隔離房啲女仔沖緊涼…」
「係喎屌…」
「仲講，過去啦。」
 
我地即刻衝咗去隔離房敲門，一開門就見到Shirley，頭髮濕漉漉咁，著住t shirt短褲，個feel好sexy，不過Shirley我都望慣，無咩特別。

「做咩呀，我地沖緊涼呀，男子不得內進呀。」Venus喺裡面大叫。
「唔係呀，我地部電視壞咗，又沖哂涼無嘢做，想過嚟睇電視姐。」我道。

喺門口嘅Shirley初初都唔肯，但俾我求咗佢幾嘢之後，佢就俾我入咗去。





入到去女仔房，見到好多女仔嘅衫衫褲褲，我同肥鈞互望一眼，互相投以一個淫賤嘅眼神，原來喺酒店先係成個旅行嘅重點。

我地一邊扮喺度睇電視，一邊射籬眼咁昅住浴室嗰邊，呢間酒店個浴室有些少透視，望住入面郁下郁下個影咁，真係扯扯地。

諗真啲，依家喺度沖緊涼嗰個係Jojo。

過咗一陣，Jojo一邊捽住佢嘅頭髮一邊行出嚟，只係著背心短褲嘅佢，雖然肥肥地，但玲瓏浮突嘅身材盡顯，今次係我第一次見佢著到咁少布。

當佢見到我地兩個喺佢間房嘅時候，佢嚇咗一跳，即刻搵件外套著住，紅都面哂。
「喂，你地過嚟做咩呀?」
「過嚟睇電視呀，我地間房嗰部壞咗。」我道。
「都唔知係咪架!!」Jojo講完，就坐咗喺自己張床，嬲包包咁。
「去旅行夜晚緊係一齊玩架啦，唔通乖乖地上床瞓教咩，小學雞咩依家。」我道。





「咁我地今晚玩咩好呀?」Shirley聽到我咁講，就問我。
「其實我都未諗到，玩下啲集體game，或者落去便利店睇下有冇啲台灣特色boardgame玩囉。」
「其實我有樣嘢想試下好耐架啦，以前喺香港都無乜機會試，嚟到台灣無王管好想試下。」
「想試咩呀?」我問。
「不如我地試下飲酒吖?」