自修室，學界既蘭桂坊: 26

第二日，今日上Econ堂嗰陣時，阿Sir講緊我最唔熟嘅GDP，於是我就落足心機去聽。
突然，電話震一震，我以為係Shirley，打開一睇，先知係麥兜。
平時上堂時間佢一定唔會用電話，見到佢個icon，我好好奇咁噤咗入去，一打開。

「唉!!車厘龜!!!」

我見佢咁激動，應該有啲咩特別事發生咗，之不過我又要兼顧聽書，所以我只係應佢一個「?」

「琴日坐我對面嗰個男仔呢，佢add我呀，點解佢會知我個facebook架。」跟住有好多喊喊樣。





我見到佢咁樣，差啲笑咗出聲，好彩忍得住。


「哈哈哈，喂，accpet佢呀，我好想睇呀。」
「唔好笑囉，佢搞到我好煩呀。」
「有咩煩，btw點解要搵我講，唔搵Shirley Venus講。」
「同佢地講佢地實叫我accept嘅，諗住搵你會有其他答案呀嘛。」

個阿Sir講到我唔識嗰題，我要好留心聽。
「唔係喎，我個答案同佢地都一樣，accept佢啦。」





見到我咁樣應佢，佢係咁炸啲喊喊樣過嚟，搞到我個褲袋係咁震，震到我心煩意亂，聽唔到書。

「喂，好煩呀你，咁小事洗唔洗咁呀你。」
「哈哈哈，你都唔明嘅…真係搞到我好煩呀…」
「我就真係唔明啦，你同佢都無交流過，佢點煩到你呀。」
「唔係咁架…」
「頂，認真，Jojo姐，唔好再語無倫次啦，又講啲唔講啲，睇到我火都嚟。」
「苦笑了。」
「你訴苦搵啲女仔訴嘛，搵我做乜鬼。」




「好囉咁…Sorry。」
「打 
  擾
  了。」
「有時候，有啲嘢唔係話隨便搵個人講下件事就可以當冇發生過，朋友是這樣的嗎?你嘅回應令我覺得友誼薄到好似一張紙，有好多時情緒低落，好無助嘅時候，一句無心嘅說話可以具有好大嘅傷害力，我知呀，我煩，我講緊啲無聊嘢，對於你嚟講係無聊，但於我，係好重要，我好想表達出自己嘅感受，我都係人，針吉落嚟我會痛。 我 好 辛 苦。係呀，我係語無論次緊呀，唔明唔駛明，我傻架嗎，你唔知嗎?」

當我落堂時再次打開手機，見到呢一段千字文。