自修室，學界既蘭桂坊: 16

溫咗兩個鍾，啲嘢開始唔入腦，雖然話要認真溫書，但溫得耐，始終都要抖抖。，我放低本書，見到Shirley仲係好專心咁做緊卷，就廢事打擾佢，於是我就拎部電話出嚟玩下。

打開FB，噤入Shirley啲相，已經再見唔到Love嗰個Album，我好滿足。
噤多兩噤，我又噤到去Shirley Jojo同Venus嘅合照，然後我先發現原來我未add Jojo。
雖則又同佢食過餐飯又行過街，但其實我對佢嘅了解好淺。
入到去佢個fb，見到佢張Propic，係一隻麥兜，同佢都好襯，肥肥地咁。
我毫不猶豫就噤咗個add friend掣，不過佢又係private咗，咩都睇唔到。

我望一望佢，我見佢好似都休息緊，就拍一拍佢，然後Show佢個fb俾佢睇，等佢知我啱啱add咗佢。





佢望住我笑咗笑，然後就拎起佢部電話，accept咗我個frd request。
Add咗佢之後，我就入去睇佢啲相，除咗佢同Shirley Venus嘅合照我睇過之外，仲有好多同佢其他同學嘅相。

每一張相都見到佢嘅招牌笑容，笑到見牙唔見眼咁。
我亦都睇得出，佢應該係班入面嘅開心嗰，每個同佢合照嘅人都笑得好燦爛。

睇睇下，我右上角彈咗個Facebook msg出嚟，係Jojo。
「唔溫書!玩FB!」
「好悶呀，有冇第二句。」
「車!!收線啦我地。」





講完之後，佢真係放低咗部電話，唔理我。
我見無聊，就伸個懶腰，四圍望下，點知俾我見到喺斜對面，Thomas同個女仔坐埋一齊，仲表現得好親密咁。

原來Thomas有女。
我望住佢地，初頭只係喺度依依泣泣，Thomas起勢咁哄埋去條女度，又錫面又攬又剩，條女初初都縮縮下咁，點知最後都係抵抗唔住，俾Thomas咀咗埋去。

一咀埋去，不得了，真係喺度打起茄輪上嚟。
我留意到，喺佢側邊啲人，雖然個個都喺度強裝鎮定，但其實啲面容都扭曲哂，變哂射匿眼，喺度偷望佢地。





「喂，Jojo，你望下你左手邊。」我FB msg佢
Jojo望咗一眼，然後即刻拎返轉頭。
「頂你，好鬼核突呀。」
過咗五秒，Jojo再sd多個msg嚟。
「不如呢，你試下走埋去，然後用BB仔聲問”你地喺度做緊咩呀”咁吖，哈哈哈。」

我見到Jojo咁講，覺得會好好笑，唔知邊度嚟嘅勇氣，我真係想走埋去咁做。

Thomas咀到雪雪聲，愈嚟愈多人望住佢地，有人當AV咁睇，有人就睇到黑哂面，好鄙視咁。
你個Thomas，之前都俾你玩得透，今次仲唔俾我玩鳩返你一次?

我起身，慢慢咁行埋去，一路打緊茄輪嘅佢地緊係feel唔到我嘅存在，然後我拍一拍Thomas個膊頭。

「你地喺度做緊咩呀?」我一臉無知，用BB仔低能聲問佢，都幾大聲。





過咗五秒，身邊啲人有啲已經伏咗喺度震緊…
Thomas紅都面哂，佢見到身邊咁多人望住佢地，即刻急急腳拖住條女走出間自修室。
喺呢一刻，有成半間自修室嘅人望住我，佢地個個心入面應該都有一句:「唔該哂你!」

當Thomas佢地走咗之後，間自修室就回復平靜。
我行返埋位，Jojo望住我係咁笑，然後佢拎起部電話。
「頂你咩，我講下笑，你真係做。」
「哈哈，好玩嘛。」
「好無聊呀你。」
「喂呢樣嘢好似係你諗架喎，邊個無聊啲?」
「拜拜啦你!」
喺對話當中，我發現Jojo好鍾意打XD同埋表情符號。

有啲人打表情符號，你會覺得佢係因為要將就嗰句說話嘅語氣嚟打，等你覺得佢講嗰陣時佢個樣係咁，之但係其實好假。
 




雖然Jojo就係坐喺我側邊，我知道佢其實唔係做緊呢啲表情，但望住佢講嘢時嘅語氣同表情，我又真係覺得佢講嗰陣時係咁嘅樣。

可能因為佢成日笑，所以我覺得佢每個XD都好真。

我同佢一路傾一路傾，大家都已經忘記咗要溫書呢樣嘢。

用FB傾計嘅時候每一句說話都會顯示到對方張Propic，一路同Jojo傾計，個messager仲一路出Jojo個麥兜公仔。
「唔知點解呢，同你傾計嗰陣，一直望住你個Icon，搞到我好似同緊隻豬傾計咁。」
我諗住串佢。
「咁我點?我係咪同緊隻龜傾計?」然後有一大堆xdddddd。

大家咁樣串嚟串去，好好笑，好開心，望住部電話笑出嚟嘅呢個感覺，好特別。