自修室，學界既蘭桂坊: 15

受到Angus教誨既肥鈞，霎時間由頹撚變到充滿信心。
「我要追Venus!!!我要拍拖!!!」

見到肥鈞振作返，我個心都安慰返d，突然間，Angus轉個頭，望住我。
「係呢，同學仔，咁你呢?你拍拖未呀?」

係本能反應底下，我差d答左個”有呀”呢兩個字出黎，但諗真d，我雖然已經同Shirley錫左，之但係，我好似仲未正正式式咁做佢男朋友喎。

呀!!!!!仆街，點解我咁蠢，果日唔直接表白埋…唉。





於是我地兩兄弟就繼續落自修室，Angus話佢突然好掛住當年自修室既一切，所以同我地一齊去。

搭車既時候，Shirley whatsapp我話佢地今日會遲落堂，叫我幫佢地霸位，無問題，咁仲好，我可以確保佢坐喺我側邊。

「肥鈞，你仲坐唔坐喺Venus側邊呀?」我問。
「唔坐，今日開始，我要發奮。」
「諗住溫邊科呀肥鈞。」Angus問。;;「我暫時Maths叫做ok，所以我諗住操好d數。」
「Maths?我當年攞A架啵，有咩唔識即管問我。」
去到自修室，我地入去搵位，逢Angus行過既地方，我都留意到d女Gut高個頭望佢，下面相信已經出緊水。





Angus簡直係神一般既存在。

肥鈞搵左個最入又最左既位，一坐低就拎本maths簿出黎瘋狂做數，Angus就坐喺佢側邊，做佢補習老師。另一方面，佢好似己經溝緊坐喺佢對面既臭雞三人組之一，諗諗下，其實唔係溝緊，係溝左。

我幫Shirley佢地霸完位之後，見無乜野做，就落7仔買定一盒Melty kiss，放喺佢個位度，佢一黎到就見到，應該會幾開心。

搞掂哂d野，我無理由自己一個溫書，等我訓陣先。

己經唔知訓左幾耐，無啦啦有人拍醒我。
「喂，車厘龜，又喺度訓。」




正，仲唔係Shirley?
我抬頭一望，係Jojo。
「喂，我唔準你叫我做車厘龜，叫我阿楠。」
「哦，好囉。」
「咦，點解得你一個既?」我問。
「Shirley同Venus佢地仲做緊TEST呀，我做完咪黎左先囉。」
「咁快有TEST?啱啱開學一星期都無喎。」
「DSE啦，你估講玩架? MISS話過左一日就係一日，追唔返。」

睇黎個Jojo真係好重視讀書。
Jojo見到我側邊有兩個位，一邊有盒Melty kiss，一邊無。
佢就走去坐左喺無果個位。

聽完Angus之前番說話，我就喺度諗，唔知Shirley最屎係邊科呢?
「喂，Jojo，你知唔知Shirley最屎係邊科呀?」




「Econ囉，所以佢先同我一齊去補咋嘛。」

睇黎我要喺Econ方面努力，當佢有野唔識時，我可以教佢。
於是，我就拎本Econ書出黎溫。
五點令，Shirley同Venus都黎到。


今日，再見唔到Andy呢個人，睇黎佢同Shirley分手之後，無面再返黎呢間自修室。相信佢已經轉左場，唔會再喺呢度搵食。
但奇怪既係，Marco照計應該同Venus如火如荼，點解見佢唔到。

Shirley黎到坐低，雖然見到我比佢既朱古力，但係都係悶悶不樂咁。
我見佢咁既樣，就寫張memo紙比佢。
「做咩呀?」
「啱啱test，好多都唔識，好唔開心。」
然後Shirley比左份卷我睇，我一望，大獲，完全唔知咩黎。




「點呀，車厘龜，你識唔識做?」Shirley問。
「m…我學校好似仲未教到呢個chapter，所以唔係好識…」我愈講愈細聲。

此時，側邊既Jojo聽到我講既野，就埋黎加把口。
「喂，呢課星期六果陣呀RAY咪教左囉，肯定無聽書啦你。」

仆街…係咩。
聽完Jojo咁講，Shirley就嬲包包咁，無再理我。
屌你個Jojo，係要落我面!!

我終於明白Angus啱啱番說話，自修室，始終係一個學習既地方，你無知識，就同一個無內涵既MK仔無異，留唔得喺度幾耐。

睇黎，我真係要開始認認真真咁讀下書了。