[男籃]一球穿Jump: 第十七回 – 落敗

呢一嚇真係非同少可。我個幾個隊友圍住球證係咁講「進攻有理區呀大佬」「你識唔識波架」「就算係都係佢從後攝上黎，係佢犯規喎」
 
但係球證既決定又邊有咁易被推番。我帶著失望既表情，同隊友逐一擊掌，並且係住場嗌住「黑哨」「黑哨」之聲中離開場區。我望向場邊既MACY，依舊是一副關心既樣子，好似同我講「冇所謂架阿駿，佢地會幫你完成未完成既賽事。」
 
剩下來既四分鐘，只能坐係場邊，同隊友們打氣。
 
係呢個時候，場內又一陣歡呼聲，我轉身一睇，原來係犀牛係零度位入左一球三分波，幫我地反先50:51。時間已經無多，各自都係得兩至三個攻勢到，所以每一下都好緊要。
 
官中既攻勢都係集中係牛佬度，佢好有信心咁拖到最後8秒先剷入禁區，再用一下變速過左阿傑再上籃。就係呢個時候，中鋒明哥一夫當關一野block左牛佬個波落黎。「咇咇」屌你又吹咩呀，球證話明哥呢球打到手，雖然牛佬唔入但變左有兩個罰球射。結果佢兩罰全中，官中領先52:51。
 




之後兩個攻勢，我地同官中都受制於對方既防守，只可以係外圍做一D高難度既射波，但都係抄粉。
 
剩低最後30秒，官中係佢地後場開波，我地按李SIR既指示做個二人夾擊，迫左牛佬去底線，剩低25秒，佢見到空位打算將個波彈地交俾去左中圈接應既隊友。說時遲那時快，犀牛一個標波，將個波指甩左，但係佢自己都未完成控到個波。
 
好彩高佬陪勤力，見犀牛拍甩左個波即刻衝前攞番個控球權而且長驅直進。剩低20秒，對方兩個球員已經趕到包左高佬個位，高佬見狀立刻帶出一步，係對方兩個人之間交左個波俾cut緊入去既犀牛做個上籃。
 
就係呢個時候一個龐大黑影係犀牛右方飛過黎，係牛佬，佢出盡奶力跳高打算抹犀牛個波落黎。「拍」一聲個波應聲出界。
 
犀牛見球證冇反應，即刻衝上前同佢理論「佢打手呀頭先」球證示意冇。「冇﹖你用邊隻眼睇野架，頭先佢個球上籃你又吹，收左錢呀仆街。」「咇咇」唉想嗌都嗌唔住，犀牛俾球證吹多左個技犯趕出場。
 




官中兩罰中一，佢地領先我地53:51，賽事仲有13秒。
 
我地開返波，同官中打埋最後一擊。究竟做個兩分，定係三分﹖高佬望一望李SIR，見佢冇俾指示佢，就把心一橫，做個突破分球，俾左企係胡盧頂既阿傑。我知道高佬心目中諗緊乜，佢覺得我地兩個主力都foul out左，就算打加時都係會輸，不如搏一搏射球三分。
 
但係最射得個個犀牛而家坐左係我隔離，阿傑最遠都係罰球線後一步，而家佢係三分線上面，都唔知射定唔射好。阿傑諗左半秒，見官中守衛撲埋黎，帶橫左一步，跳高、起手，個波中後框彈高。對方中鋒tip到個波，即刻拋上前，前場球員見我地撲到返黎，就即刻橫傳。
 
3、2、1．「咇~咇~咇~~」完場雞正式吹響，我地輸53:51。
 
完場，我地輸左場波，但係輸都好唔抵。你可以話我地自己犯規多，攞黎衰。但我覺得我地忍住冇打球證已經好好。
 




球證按慣例要我地雙方球員握手，好無奈咁我地都要照做。行先既係隊長阿傑，佢行到牛佬身邊，細細聲講「屌你老母，你條仆街精虫上腦呀﹖」，之後笑一笑施施然行開。到犀牛，佢行過牛佬時又係細細聲講，「你都on99既，握﹖握唔燃到喎你條野咁細。」，又係笑笑口行過。之後，我地都係行過細細聲屌柒牛佬，雖然好小學雞，但估唔到有咁既效果。
 
當我(最後一個)行過牛佬身邊，我冇屌佢「而家我唔燃屌你條死基佬呀，出去隻揪丫，你唔燃好淆底呀﹗」唔知點解牛佬聽到之後好大反應，一手揪起左我件衫，另一隻手就一牶打左落我個肚度。係幾痛既，但我都要加多兩錢肉緊，攤左係地郁都唔郁。呢個時候犀牛、高佬等等都衝哂過黎圍住牛佬，走緊既觀眾都回頭睇下發生緊咩事。球證本身都執緊野，見到咁大獲野都即刻走埋黎分開佢地。
 
如果唔係李SIR走埋黎拉住我地，兩隊圍嘔都似。
 
事後，牛佬俾人罰停賽一場，即最後一場分組賽冇得出。我地隊就冇事。