[男籃]一球穿Jump: 第十六回 – Foul Out

其他隊友，尤其係高佬同犀牛即刻上前圍住牛佬。「你咩料呀。」「打波定打人呀而家。」「係咪想開拖丫。」之聲此起彼落，場面開始混亂。阿傑就過黎「有冇事呀，駿。」「冇咩，好彩冇拗柴。」
 
係呢個時候，牛佬撥開圍住佢既人群，行到黎我身邊「oh sorry，我佑唔到你撞一撞就飛左出去。」我客氣咁答佢「唔緊瓖，都冇咩事。」但佢繼續「你都係去番打兵乓波啦，因住撞傷媽咪會心痛呀，哈哈哈。」嘩屌，真係佛都有火﹗
 
就係我衝上去想打條仆街一身時，球證走過黎你左倨技犯牛佬，順手分開番兩邊既球員。俾佢激一激真係非同小可，我望一望看台上既MACY，佢一副擔心既樣子擺哂上塊面度。我望住佢，佢又望住我，心寧忽然得到一陣子安靜。
 
我定一定神，準備去主射3個罰球，可惜3罰中2。而家個比數去到30:24。
 
牛佬俾我draw左佢2犯之後唔知係咪心有不甘，轉左黎攻我。咁就岩喇，等我黎KO你個打靶仔。佢兩下crossover加上膊頭假動作打算過我，但我對佢呢招早有準備，專心望住個波，冇俾佢過到。但佢個first step始終快過我，係佢起動既時候先追已經慢左半步，又不能犯規，眼巴巴俾佢入番2分。
 




輪到我進攻，犀牛都好識做拉空左一邊俾我同佢打isolation。我控住個波諗緊點樣過佢，點知佢一下標前想搶波，我自然反應下一個後手運球交左個波去左手，咁就避開左佢既搶波。過左佢就一條大路到籃底，我上籃攞左兩分之後，對番住牛佬係咁fing手指，寸丫拿寸丫拿。
 
睇黎我呢個動作都幾有用，牛佬睇黎都火火地，進攻開始有D亂，令我更易防守。跟住落去我地互有攻守，打完第三節38:36我地些微落後。
 
係第四節，我地乘住個勢，一開始就打左個6:0既攻勢反超前38:42。「咇」對方叫左個暫停。
 
李SIR「大家打得好好，Keep住個勢。仲有，阿駿你仲有一犯就foul out，你坐低幾分鐘先，臨尾再出去搏。」
 
「但係我hot hand喎李SIR。」
 




李SIR「就係你hot hand我地先唔可以俾你foul out。」我無可奈何，只可眼白白睇住隊友搏殺，自己就坐係場邊。
 
少左個高佬mark佢，牛佬開始打多左低位。佢既高度加上靈活既步法，好伊就攞到優勢。雖然犀牛係呢節入左兩個三分波，但冇左籃底就係冇，三分鐘內又俾官中反先50:48。
 
「李SIR，俾我出場啦，俾佢地追番上黎喇。」
 
李SIR「唔好心急，睇多兩個攻勢先，急唔黎。」
 
我而家俾薩拉熱窩D螞蟻卸急呀，點可以唔急呀。「李SIR﹗」
 




李SIR「你有信心唔會foul out﹖」「有﹗」「好，你去啦，忍手D。」
 
比數已經去到56:48，時間只餘下五分鐘。當我入到去鎮守番個內線，牛佬都冇咁放肆，幾下都嘗試拉我出牛角位。呢幾下我都係「行」住佢，冇跳盡去block佢，就係因為唔想foul out。
 
可能牛佬都睇到呢點，佢又開始攻內線。牛佬key 住波，一個後手運球過左阿傑，再變速向我呢邊衝過黎。如果我呢個時候入佢位mark佢，好易俾人覺得defensive foul。事實係唔容許我諗多一秒，牛佬已經係我面前做個上籃。由於我郁都冇郁，共能夠做最近既觀眾。牛佬得手後望一望我，戚起佢個乞兒咀角，擺明挑機。
 
「可惡。。。」
 
高佬見對方未及回防，一個炮彈式長傳將個波送上去前場既阿傑。阿傑用身位壓住對方，準備上籃。此時，其他球員都跑緊上前場支援，包括我。阿傑係對方力壓之下，都可以用右手將個波放上籃，見個籃球係個框度「浪」左幾下，我已經下意識衝前搶籃板。
 
可能頭先牛佬既挑釁，再加上衝搶籃板既氣勢，呢下真係跳得幾行。阿傑既上籃果然「浪」出黎，咁岩係我衝上去既位置「浪」出，我順住個勢將個波tip番入網，仲岩岩好夠手長「掹」住個框。要知一個中學雞要入樽係一件幾難既事，全場觀眾先係鴉雀無聲，之後迎黎一遍歡呼聲。
 
係呢個時候。點解下面訓低左個人係度既﹖係牛佬﹖仆街喇今次。「咇咇」球證示意我進攻犯規，而且犯滿離場。