[男籃]一球穿Jump: 第十五回 – 意外就係意料之外

鏡頭一轉，就去到我地對官中既第四場分組賽。今次同上之唔同，MACY係開波前已經坐定定係度睇，仲好專心既同我打氣。
 
一如所料，官中真係靠一個牛佬打哂，差唔多球球波都係佢key佢傳同佢射。可能牛佬鬼仔性格啦，佢都寸寸地。
 
第一節有一球，佢面對住mark緊佢既阿傑，先一個假動作向右手邊推進，等阿傑重心腳郁左之後，佢一個crossover運球去番佢左手邊。阿傑回身唔到，成個日失左重心趺左係地下度，牛佬就輕鬆射個wide open 射個long two，穿針。入左之後，牛佬舉起2隻手指(唔知佢咁做做乜春)，望望地下既阿傑「oh sorry，我下次d假動作唔好咁假啦，有冇趺親你呀﹖哈哈」
 
阿傑「屌你老母，你up乜撚野呀﹖」阿傑大聲度住場都聽到，佢仲起身想衝上去打佢咁款。我地見到咁即刻衝埋佢攬住阿傑，但球證見到咁已經吹左個技犯俾佢，而李SIR都即刻換佢出黎等佢冷靜下。
 
我輕拍阿傑，「睇條仆街得戚得幾耐。」阿傑「幫我隊lum佢。」我未見過阿傑咁嬲，如果唔換佢出去我真係驚出事。不過呢個技犯之後，大窕都燥左，係埸上既發揮都大受影響。
 




犀牛同高佬輪流mark住牛佬，將佢既威力減到最低，同埋淨係可以射一d遠程砲。但另一邊，佢兩個既體力因為不停緊迫住牛佬而下降得好快，係進攻上冇咩建樹。
 
高佬key住波，過左半場，佢兜左5秒都未揾到人交波。係呢個時候佢冷不防對方後衛係佢後面拍走左個波，帶左兩步就即刻拋個波去前場，牛佬一支箭咁衝上去成單刀之勢，做左個Alley-opp既 lay up，官中領先22:18。呢個牛佬得勢真係不繞人，走返去自己半場時不停fing佢隻手指，驚死人地唔知佢入左球靚波咁。
 
佢一條友攪到我地成隊波慶哂都算犀利。隊友們開始不約而同要幫阿傑報仇，個個都係咁攻牛佬，係咁draw佢foul，希望盡快foul out 佢。
 
但係牛佬都唔係省油的燈，面對我地一浪接一浪既進攻，都應付自如。相反，我地太在意攻牛佬，攪到好易俾人捉到路，好多應該傳既波唔傳，應該射既又唔射，比分開始拉遠。完半場時我地落後30:20。
 
李SIR「你地最咩呀﹖淨係更人地最勁個個，你地要羸波呀，唔好以氣用事。要寸，就要用自己實力黎寸，咁樣做同小學雞有D咩分別。你地答我丫﹖」
 




高佬「李SIR，唔通我地睇在D兄弟俾人蝦到上面都唔理喇喎。」
 
李SIR「唔係叫你地唔理，你地要理性D，羸左場波，佢入幾多球又有咩所謂呀。」
 
「李SIR講得岩架，我地要羸佢地，等官中入唔到淘汰賽咁佢幾叻都冇用啦，仲有半場，我地打番自己個節奏先啦。」
 
見到隊友們仲係深深不忿，我決定多D參與進攻，努力追分。我同牛佬唔同位置，所以基本上冇咩正面既對碰，而mark我的對手防守力不算出眾，應該可以食住佢。
 
高佬傳左個波俾我，我係攞波前已經食左對手身位，一接波我順勢壓入籃底，完全過哂防守者。就係到達算底既一刻我急停，一fake，對手被fake起。係佢落黎既時候，我向上一跳，做個輕鬆layup並博到犯規。
 




犀牛「好波呀阿駿﹗」「有得追存俾心機。」
 
站上罰球線的我，深呼吸，身體向下座，由下而上上升，右手在最高點時放出籃球。「達」，個波中左後框向上彈，我衝前打算搶籃板，由於對方底線既球員仲同阿傑佢地揹緊位，我從後而至反而有優勢。但係呢個時候，牛佬都衝緊埋黎搶呢個籃板。
 
我地一齊起跳，我既指尖俾佢快一步tip到個波，再跳一下將個波搶左落黎並諗住即刻上籃。就係我跳起既時候，牛佬攔腰撞左埋我下盤既位置，由於我成個人已經離地，佢呢一撞將我撞左出底線，落地時都失一失平衡趺左落地。「咇咇」球證雞聲示意牛佬犯規。