[男籃]一球穿Jump: 第十四回 – 強敵初現

我地第一場波旗開得勝，又俾李SIR鬧左一身，其後D比賽自然醒醒定定啦，之後對校友會同第二總理我地都分別羸44:38同62:30，三戰全勝排分組榜首。而同組最大既對手元山雖然都係三戰全勝，但分差同我地差少少所以排左第二。我地最後一輪分組賽對碰，應該都係名次之爭，希望走線避開大熱門陳李桂芳。
 
呢隊陳李桂芳真係好勁，係第B組一樣都係三戰三勝，但每場都炒對手30分以上，霸氣盡現。我諗大家晉級後都唔想對住佢地。
 
仲有2日，就要對官中打第四場分組賽。官中傳統上係魚腩，但近年多左個叫牛佬既半唐番插班入黎讀書，佢係美國個時同開D黑人打波，又食外國D漢堡包同薯條，攪到又大隻又好波，成隊波打佢一個都陪殺。上一場佢地對元山，靠牛佬攞左成20分，先梗梗輸38:42。
 
李SIR係練完波之後追住我地一齊傾戰術「大定都知道，官中佢地打一個牛佬架者。但我地都唔可以掉以輕心。阿傑，你同犀牛同高佬輪流緊身mark住佢，唔好俾佢有機會入籃底搏犯規，阿駿，你就係佢突破入到黎之前上鎖匙圈閘佢位，一來唔好咁易俾佢起手，二來搏佢offensive foul。」
 
阿傑又一次隊長上身「好，我地後日俾佢地睇下我地既團體籃球，大家要走多步用我地既氣力羸佢地。」「好﹗」大家鳩叫左一下就散band。我同犀牛同高佬去左滿記食糖水。
 




「你兩個覺唔覺周圍D人好似望坐我地，係咪三條麻甩仔去食糖水好gay呀﹖」
 
犀牛「傻的嗎﹖呢種浪漫佢地識條春咩﹖跟阿駿你唔係身有屎呀麻，咁驚人點睇你既，你真係中途轉基呀﹖」
 
「係呀，我轉左基第一個中出你呀好冇﹗」
 
高佬「犀牛，人地直直都冇咁直啦，要中出MACY都唔中出你啦。」說罷露出一副淫笑。
 
犀牛「佢講真架﹖你已經中出左MACY喇﹖你唔驚有BB架咩。雖然佢呢排個樣好似好左者，但估唔到阿駿你。。。佢咩級數架講黎聽下﹖」
 




「屌，我冇中出MACY呀，唔好亂講啦好冇者。」
 
高佬「中出就講笑者，但上次JOLIN埋八婆話你同MACY兩個單獨去左食LUNCH，番學校個陣仲膊頭對膊頭咁行番黎喎。你地兩個，相當有嫌疑呀下，快D講你地咩關係﹗」
 
「唉，都俾人撞到喇都唔怕同你地講。不過你2個要幫我保守秘密架，如果唔係連兄弟都冇得做架﹗」
 
高佬+犀牛「得啦煩。」
 
「我同MACY都係上個星期先開始一齊知麻。咁上次好似籍佢過橋咁，但識落佢真係幾好人，而家都識執下個樣戴下con咁，都唔錯架。」
 




犀牛「咁點解唔話得俾人知呢﹖」
 
「我地岩岩先開始，我想定D先呀，費是原來拍左一陣就散就對兩個都冇好處啦。仲有，我想專心打好學界先。」