[男籃]一球穿Jump: 第十二回 – 真正實力

係緊接一個控球權，李SIR嗌左個暫停，換番我出去。我出場時望一望坐左係觀眾席既MACY，咁岩佢又係望緊我。我向佢個方向舉起右手手指公，示意冇問題，佢都以口型回應我「加油」。
 
我落番場後，內線實力即刻提升返唔少。而隊友們亦都好識做咁餵好多波俾我爆入底線。係對得分強烈既慾望下，係一分鐘內連爆佢地兩次籃底，仲兩次都搏到and one。
 
32:40係完第三節既分數。第四節一開始，我地士氣繼續高昂，大窕都好似餓左波好耐咁，不停在場上表現出自己既能力。係高佬全面控制住節奏下，我地冇左多餘既花巧，每一次進攻都直接入到敵人既心臟。好快我地已經追番上黎，係犀牛既3分雨同阿傑既剷籃帶領下，我地反勝SSY 50:46。
 
球證吹完場既一刻，我地興奮得互相擁抱，直情好似已經羸左冠軍咁樣。係我行番場邊時，我望向MACY頭先坐係度既位置，但係人已經唔係度。「咁快走左既」我心諗。
 
大家沖完涼換番好衫既時候，阿傑提議我地去食飯慶祝。高佬「喂阿駿你去唔去呀﹖」「我麻麻喎，想返屋企休息。」高佬「咁犀牛你呢﹖」犀牛「我﹖冇所謂呀，去又得唔去又得。睇駿哥頭囉。」
 




其實每次打完波我都會同佢地去食D野，吹下水咁既。但唔知點解，今日我想揾既人，係MACY。因為我想知道，佢黎睇我地打波，係咪即係冇嬲我﹖但如果佢冇嬲我，又點解唔等埋我地一齊走﹖佢究竟係想，定唔想見到我﹖我要當面問清楚佢。
 
「SORRY呀阿傑，今日冇咩心情去食野，下次丫，下次羸左我請飲可樂啦。」
 
阿傑「咁掃興架阿駿，唔緊要啦，我地自己去啦。」
 
當人群散了以後，我拿起了電話，打俾MACY。
 
MACY「喂﹖」「喂。MACY呀﹖我呀。」「做咩呀﹖」「你係邊呀而家﹖」「我﹖我走左喇，睇你地打完波咪走咯。」「咁快走既，仲想揾你去飲杯野添。」「哦，你唔係同佢地一齊走咩﹖」「唔係呀﹖你而家去到邊﹖我過黎揾你﹖」「。。。唔好喇，我就黎返到屋企。」「。。。呀。。。咁好啦，聽日返學見啦咁。」「88」「拜拜。」
 




收線後，我有一絲失落，因為我仲未有機會問MACY我想知道既事情，亦因為MACY對我的忽然冷淡。嘆了口氣後，我便獨自回家，繼續猜想MACY心中的想法。