[男籃]一球穿Jump: 第八回 – 慶功

係我地慶祝贏波既時候犀牛都冇失落，仲走埋黎吹水。
 
犀牛「如果唔係豬一樣既隊友，我炒硬你地呀﹗」
 
「吹水你就叻。而家總算可以一齊打學界啦，最後一年打B grade，真係好鬼死期待﹗」
 
正當我地行緊去小食部買野飲既時候，一個熟悉既身影係我地面前出現。係MACY。
 
MACY「駿，恭喜你地羸左呀。」
 




高佬及犀牛淫淫笑地望著我地「你地慢慢傾呀下，我地唔阻你喇。」
 
「多謝。(細細聲地說)如果唔係你幫手，我地都冇得一齊打學界。」
 
MACY「我唔知你講緊咩喎~淨係知你爭我一個人情~」
 
「哦。。。咁我應該點樣報答你呢﹖」
 
MACY「暫時未諗到喎，諗到再話你知。」
 




嘩，乜你D答案咁TVB既，但係如果佢唔幫我保守呢個秘密，真係好大獲，所以而家都唯有係順住MACY意，睇下佢想點先。至多咪再同佢出多次街食多次飯，呢個係我底線黎架喇，我唔會做D出賣我良心(良身)既野架。而家同MACY係操場傾一陣計都俾班死仔笑到面黃，如果俾佢地知道我單獨同佢出街咪唱到我畢業。唉，今次真係麻煩。
 
高佬「係咪要叫佢阿嫂喇以後﹖」
 
「頂你玩野呀﹖」
 
犀牛「唔係喎，見到你地傾得好開心架喎，仲細聲講大聲笑添。HEHE，你地水洗都唔清喇。」
 
「唉呀，真係唔係呀，我點會睇上佢呀。佢過黎恭喜我地贏波之麻。」說罷我一眼厲住高佬，示意佢收聲，唔好再講落去。
 




高佬「好喇唔玩喇，喂我地不如去問下李SIR校隊幾時練波，我地下個月開始好多野做喇。」
 
李SIR係學校既體育老師，亦都係籃球隊既教練，平時對我地一班學生都幾好，所以係學校入面佢都算幾受同學歡迎。「沈子駿，恭喜你地羸左班際喎，今年唔好好似上年咁受傷冇得打喇。」「知喇李SIR。係呢我地幾時要開始練波呀，今年上左FORM 4多左好多功課做呀，可能難夾時間練波。」「你班死仔一個二個拍拖就有時間，想練既點會冇時間丫。」「。。。」「你約埋4A同你地自己班個幾個人我地星期五放學去食餐飯，順便傾下今年學界D野啦。」「YEAH!多謝李SIR。」
 
MACY「駿你星期五放學得唔得閒呀﹖屋企冇飯食，請我食飯得唔得﹖」
 
「下﹖SORRY呀，李SIR同籃球隊食飯，下次丫。。。﹖」
 
MACY「下，係呀﹖我仲有D關於上次抽籤D野想同你講添。」
 
下﹖咁快就要脅我喇，我真係唔得閒丫麻。咁點好呢，佢意思係咪如果我唔出現同佢食飯既話佢就會爆我出黎﹖但我真係唔想同佢出去食喎。
 
高佬「嘩佢擺明要脅你啦。但你又冇得唔出喎。」
 
「廢話講少句啦。我要橋呀，橋﹗You know﹖」




 
高佬「可唔可以食2場呀，你地一放學去食，食完咪去李SIR個場囉，我地同李SIR講聲喇。」
 
「係喎。。。唯有係咁啦而家。」