【微甜】點解有五條女同我一齊?: 39-與女神約會？-
過左果日之後我送左3個公仔比三個小公主，佢地都覺得好開心，原來女人開心好簡單。
只要係中意既人送既，就算係送鵝毛都會好開心。
至於miss果度，我就一個星期都有一晚係去左miss度，唔知點解我同miss firend左，有時miss就教下我堂課，有時我就分享下我啲趣事咁。
原來miss表面好成熟，但係都有少女心，其實miss都係二十幾歲人姐，睇落都好後生。
可能係中國傳統錯覺，老師係一定老先做到老師，所以就覺得miss好成熟。
「咁你中意邊個多啲呀？」miss問。
唔記得同大家講，我依家係miss屋企度同佢傾緊計。
岩岩講到我果三個女朋友，原本都打算避開唔講。
自己又唔知點解咁唔小心開左個頭，都無諗住搞到佢鈎起佢啲唔開心野，話哂對佢話黎講男人有第二個係佢既死穴，點知佢話咁好既男人點會得一個女朋友喎。
都係果句啦，女人心海底針。
「其實三個都咁中意，無話中意邊個多啲，啊柔又好靚，啊情又好索，啊雯又可愛，邊有得分嫁。」我答。
「咁我呢？」
「咪玩啦，miss咁靚咁索，溝死仔啦。」
「咁口乖，獎你飲汽水啦。」miss笑住咁講。
「唔洗啦，我都就返去，訓教前唔可以飲汽水嫁。」
「扮哂野啦，依家啲學生打機打到夜一夜都唔訓教，你點會唔打機呀？」
「你突破盲腸啦miss，但係總之就唔飲啦。」
其實我唔飲汽水，唔係我唔中意飲，而係因為有某啲原因先唔飲，可能慣左啦。
「唔飲就算啦，咁講返轉頭呀，有三個女友係身邊唔煩架咩？」
「呢啲都算煩呀，你無見過真正既煩。」
「唔通你見過？」miss繼續追問。
係，我真係見過，日日同你出雙入對，早午晚都一齊，做咩都就哂佢先，初頭都幾sweet，耐左就唔覺。
仲要成日查你呢樣果樣，明明日日見，邊有時間溝到女呀？你都日日睇我電話whatsapp。
最狗係咩呀？你點一點佢部手機都屌鳩你咁款，連打個J既時間都無呀。
唔好講話有得打機呀，想打耐少少都唔得，因為佢又安排左啲行程比你，你話死唔死。
我諗到依度又有少少感觸，因為有一日，佢唔再係你身邊係好唔慣，好掛住佢。
但係如果佢仲係你身邊，你又唔想佢煩住你，夠竟人類係咪犯賤？
我不禁諗起最頭果年岩岩DSE出既作文題目，成個題目就唔記得，只係記得關於剌蝟。
我依家既情況就係咁，又驚比人吉，又怕凍既感覺，真係好難受。
不過都已經唔存在啦，活在當下，珍惜眼前人。
「無呀，我有個朋友個女友好煩姐。」我望住miss講。
「哦，原來係咁，但係依家啲女仔都係好痴身架喎，你仲要有三個，你得唔得嫁？」
「我依家呢三個絕左種嫁啦，所以我會好好珍惜佢地，唔會再比自己行差踏錯嫁啦。」
「其實佢地三個都好幸福姐，有個咁好既男朋友珍惜自己，我就慘左啲，揀錯人。」miss就耷低頭。
「我相信miss一定會搵到個好男人既。」
「希望啦。」miss拎起隻我飲個既杯，飲左一啖。
「miss，隻杯我飲過架。」我呆左一呆，指住隻杯咁講。
「無所謂啦，大家都咁熟。」之後放低左隻杯，就繼續講﹕「係呢，咁你果三個女友點識嫁？」
我嚇左一嚇，做咩問啲咁高心既問題，重點係啊柔同啊情點識我都唔知，點答你呀，唔好玩啦
我都唔知點講好，為有亂講：「好普通咁姐，唔係啲特別野，要講就要講好耐.......」
突然之間靈機一觸，諗到一個辦法。
我望一望個鐘就話：「其實時間都唔早，miss聽日仲要返工呀，我走先啦。拜拜。」
「原來咁晏啦，咁好啦，下次先再講啦，拜拜。」miss都望住個鐘
miss都揮一揮手，唔送我，我都返左屋企。
突然whatsapp有人搵我，竟然係女神搵我。
話說上次係喺個自修室度見到佢，高登故都有講，自修室係學屆既蘭貴坊，所以遇到女神都唔出奇。
女神:hi
我:hi，有事搵我?
女神:後日得唔得閒呀？我想約你出黎，剩係我地兩個。
我:下?咁突然?重要野黎?
女神:有咩出到黎先講啦。
我:好呀，咁出到黎先講啦
女神:後日再約你啦，大概2點左右。
我:ok
我諗左一諗，會唔會女神發現左啲咩線索呢？